„Ef við viljum gera róttækar breytingar á hagkerfinu erum við betur sett utan ESB“

Samtökin Til vinstri við ESB voru stofnuð í janúar með það að markmiði að standa gegn aðild Íslands að Evrópusambandinu. Jökull Sólberg Auðunsson, stjórnarmaður í samtökunum og frambjóðandi Sósíalistaflokksins til borgarstjórnar í Reykjavík, segir mikilvægt að sjónarmið vinstrimanna heyrist í aðdraganda mögulegrar þjóðaratkvæðagreiðslu um áframhaldandi aðildarviðræður Íslands við ESB. 

„Við erum að sjá Evrópu rata slóð í átt að ófriði og það vantar að þessir Evrópuleiðtogar ranki við sér,“ segir Jökull Sólberg og nefnir sérstaklega forseta og varaforseta framkvæmdastjórnar ESB. „Það er mikill trommusláttur í Evrópu í átt að stríði. Ísland á ekkert erindi í ESB sem er á leið þangað. Lýðræðishallinn í ESB er annað mál eins og þetta blasir við mér. Ursula von der Leyen og Kaja Kallas eru þarna orðnar sterkustu raddirnar en þær eru ekki inni í þessum þjóðar- og lýðræðisstrúktúr. Þær eru kjörnar á allt annan hátt en þjóðarleiðtogar en rödd þeirra virðist vera að …