Allir dómarar Landsréttar hafa lýst sig yfir vanhæfa og víkja sæti í sakamáli héraðsdómarans Barböru Björnsdóttur gegn Margréti Friðriksdóttur ritstjóra Fréttarinnar, þetta kemur fram í úrskurðarorði Herdísar Þorvaldsdóttur forseta Landsréttar, við áfrýjunarbeiðni lögmanns Margrétar, Hilmars Garðars Þorsteinssonar.

Þetta er í fyrsta skipti í réttarsögu Íslands, þar sem að allir dómarar Landsréttar lýsa sig yfir vanhæfa í sakamáli, og þar sem einstaklingur áfrýjar með það að leiðarljósi að réttlát niðurstaða fáist í málinu. 

Margréti var einnig gert að greiða margfaldan málskostnað tæpar fjórar milljónir, en sá hái málskostnaður hlaust m.a vegna þess að Jónas Jóhannsson dómstjóri og dómari við Héraðsdóm Reykjaness frestaði ítrekað uppkvaðningu.

Athygli vakti að Margrét var dæmd fyrir að kalla dómarann Barböru Björnsdóttur „vændiskonu“. Það er hinsvegar ekki orðalag sem Margrét notaði og var henni því gefið orð í munn og dæmd fyrir eitthvað sem henni var ranglega gefið að sök að hálfu ákæruvaldsins. Rétt er að ritstjórinn kallaði kærandann „lausláta mellu“ (með vísan til hjúskaparbrots og framhjáhalds) í Facebook færslu á sínum einkareikning, en hún tók færsluna út nokkrum klukkustundum síðar.  Þá vekur einnig athygli að ríkissaksóknarinn Sigríður Friðjónsdóttir, skipti sér óeðlilega að málinu með því að gefa það út í bréfi til Landsréttar að hún telji að Margrét eigi ekki að fá að áfrýja málinu. 

Þetta þykir einnig óeðlilegt að í ljósi þess að sama embætti mælti fyrir því að rannsaka kærumál Semu Erlu Serdaroglu sem lögreglan hafði áður fellt niður vegna skorts á sönnunargögnum, en þau fyrirmæli urðu til þess að málið endaði í ákæru og sakamáli gegn Margréti árið 2023, Margrét var svo síðar sýknuð af þeim ásökunum fyrir Landsrétti. 

Það þykir líka einstakt í sögunni að sakamál er gert úr persónulegri Facebook færslu sem snérist aðallega um gagnrýni á kerfið, valdníðslu, spillingu og ofsóknir gegn einstaklingum sem kerfið telur ekki hafa „réttar“ skoðanir, að sögn Margrétar.

Fréttin hefur ákveðið að birta bæði bréfið og yfirferð Elds Smára Kristinssonar, sem fór ítarlega yfir málið í hlaðvarpsþætti sínum Eldvarpið í dag og má sjá hér neðar, og þar sem enginn fjölmiðill á Íslandi sýnir málinu áhuga, þrátt fyrir að um einsdæmi í réttarsögunni sé um að ræða og kerfisbundið ofbeldi.

Margrét má því vænta frekari tafa á málinu, að minnsta kosti í einhverja mánuði, segir Hilmar Garðar Þorsteinsson í fyrirspurn um málið.

Eldvarpið ásamt úrskurði Landsréttar má sjá hér neðar, þá má einnig sjá viðtal við Margréti á Samstöðunni fyrr í sumar þar sem farið var ítarlega yfir málið: