Aðalmeðferð í Skjólbrautarmálinu er nú hafin aftur eftir hádegishlé. Nú er komið að vitnum en skýrslugjöf ákærða, Georgios Ntentes, er lokið. Fyrsta vitni er systir hins látna, Edilsson Martin Zingara. Hún kom að bróður sínum látnum á Skjólbraut.Hún lýsir því að systkinin hafi verið mjög náin og samgangur milli heimila mikill. Hún kom að Skjólbraut og sá inn um gluggann að bróðir hennar lá í gólfinu. Henni tókst ekki að komast inn um dyrnar svo hún fékk nágranna til að hjálpa henni að komast inn um glugga.
Vitni hágrét í dómsal - „Það eina sem mig langar að vita er hvort þetta hafi verið sárt fyrir hann“
