Umhverfismál gætu orðið bitbein á þingi
Umhverfisráðherra mun mæla fyrir ETS2-kerfi sem losunarheimildarkerfi fyrir byggingar, vegasamgöngur og smærri iðnað. Þá mælir menningarmálaráðherra fyrir því að stafrænir sjóræningjar geti fengið allt að sex ára fangelsi fyrir að dreifa fótboltaútsendingum ólöglega.
Það kennir ýmissa grasa í þingmálaskrá ríkisstjórnarinnar og má meðal annars finna frumvarp til laga um breytingar á höfundalögum þar sem kveðið er á um umtalsverða þyngingu refsinga fyrir sjóræningjastarfsemi í tengslum við íslenskt sjónvarpsefni.
Þá leggur umhverfisráðherra til frumvarp sem snýr að leyfisveitingum vegna vísindarannsókna í hafi. Eitt fjölmiðlamál hefur komið upp á síðustu árum sem tengist því efni beint, en það var þegar fyrirtækið Running Tide varpaði miklu magni trjákurls í hafið eftir að hafa fengið leyfi fyrir rannsóknir hjá utanríkisráðuneytinu.
Einnig má búast við nýjum lögum í tengslum við ETS-kerfið svokallaða og mun það hafa umtalsverð áhrif á iðnað á Íslandi nái það fram að ganga og gæti orðið að bitbeini í umræðunni, en málið er umdeilt víða um Evrópu.
ETS2-kerfið á döfinni
Tæplega 160 mál er að finna í þingmálaskrá ríkisstjórnarinnar á 158. löggjafarþinginu sem var sett á þriðjudaginn. Fjármála- og efnahagsráðherra er með flest mál, …
