Mikil óreiða ríkir í spænsku borginni Ceuta í Norður Afríku eftir að þúsundir ólöglegra innflytjenda fóru yfir landamærin frá Marokkó í dag, bæði sjóleiðina og með því að klifra yfir landamæragirðingar.
Juan Jesús Vivas, forseti sjálfstjórnarhéraðsins Ceuta, segir borgina standa frammi fyrir algjöru neyðarástandi og hefur kallað eftir því að ríkisstjórnin í Madríd grípi til aðgerða. Ceuta er staðsett nyrst í Norður Afríku en tilheyrir Spáni.
Yfirvöld í borginni segja móttökukerfið sprungið og hafa farið fram á að ríkisstjórn Pedro Sánchez lýsi yfir neyðarástandi, loki landamærunum og sendi spænska herinn á vettvang.
Spænska ríkissjónvarpið TVE greindi frá því að á bilinu 2.000 til 3.000 manns hefðu komist yfir landamærin á nokkrum klukkustundum í dag. Reuters gat ekki staðfest þá tölu en spænska lögreglan Guardia Civil staðfesti að fólk streymdi í stórum hópum sjóleiðina fram hjá Tarajal varnargarðinum og að lögregla réði ekkert við ástandið.
Myndbönd frá Ceuta sýna fjölda fólks synda eða vaða yfir frá Marokkó, sumt á uppblásnum sundhringjum, áður en það hleypur upp á strönd og áfram inn í borgina. Aðrir komust yfir landamæragirðinguna samkvæmt spænskum fjölmiðlum.
Flestir þeirra sem hafa komið eru ungir menn frá Marokkó, en einnig hafa sést konur og börn.
🚨BREAKING: An emergency has now been declared in the Spanish city of Ceuta after tens of thousands of illegal migrants break in from Morocco
Pedro Sánchez is REFUSING to deploy the military to defend the borders. 🇪🇸 pic.twitter.com/OvtzvEZxBs
— Inevitable West (@Inevitablewest) July 30, 2026
Móttökukerfið sprungið
Ástandið hafði verið mjög erfitt í Ceuta áður en fjöldinn jókst enn frekar í dag.
Reuters greindi frá því fyrr í dag að um 1.500 manns hefðu komið sjóleiðina á aðeins einni viku og að fjöldinn hefði að undanförnu verið um 300 manns á dag. Vivas sagði að móttaka fylgdarlausra barna væri komin í 2.400 prósent af afkastagetu kerfisins, sem er löngu sprungið.
Ceuta er aðeins um 84 þúsund manna borg og Vivas hefur varað við því að innviðir hennar ráði ekki við áframhaldandi komu fólks í þessum mæli.
BREAKING:
🇪🇸 An “absolute migratory emergency” has been declared in Spain’s enclave of Ceuta after a massive surge of illegal migrants.
Hundreds of Moroccan and Algerian migrants who flooded the Spanish enclave yesterday breached the border fence today without control.
In… pic.twitter.com/nrfH8YywlE
— Visegrád 24 (@visegrad24) July 30, 2026
Vilja herinn að landamærunum
Stjórn Ceuta hefur krafist mun harðari viðbragða frá Madríd.
Vivas hefur farið fram á að ríkisstjórnin lýsi yfir neyðarástandi á landsvísu og taki stjórnina í öllum aðgerðum. Jafnframt hefur verið kallað eftir stórauknum fjölda lögreglumanna, lokun landamæranna við Marokkó og að spænski herinn verði sendur á svæðið til að tryggja bæði landamærin og öryggið í borginni.
Fulltrúar allra flokka á þingi Ceuta, þar á meðal Sósíalistaflokks Sánchez, PSOE, tóku undir kröfuna um lokun landamæranna og að herinn verði sendur á vettvang.
BREAKING:
🇪🇸 An “absolute migratory emergency” has been declared in Spain’s enclave of Ceuta after a massive surge of illegal migrants.
Hundreds of Moroccan and Algerian migrants who flooded the Spanish enclave yesterday breached the border fence today without control.
In… pic.twitter.com/nrfH8YywlE
— Visegrád 24 (@visegrad24) July 30, 2026
Ríkisstjórnin hefur hins vegar hafnað beiðninni um að lýsa yfir neyðarástandi samkvæmt almannavarnalögum. Innanríkisráðuneytið segir slíkt úrræði ætlað fyrir náttúruhamfarir og tæknilegar neyðaraðstæður, svo sem flóð, jarðskjálfta, skógarelda og kjarnorkuslys, en ekki fólksflutninga.
Fernando Grande-Marlaska innanríkisráðherra fer til Ceuta á morgun til fundar við yfirvöld og yfirmenn öryggissveita. Ríkisstjórnin segist jafnframt hafa aukið mannafla og önnur úrræði í borginni undanfarna daga.
¡SOS Ceuta!
No vienen huyendo de ninguna guerra, ni de la pobreza. Es una invasión. Son hombres en edad militar llamados por el Gobierno corrupto de Sánchez para que asalten nuestras fronteras para que después deambulen por las calles de España diciendo „Viva Pedro Sánchez“.… pic.twitter.com/Vuk2PeSIsb
— Santiago Abascal 🇪🇸 (@Santi_ABASCAL) July 30, 2026
Spánn og Marokkó semja um brottflutning
Spænsk stjórnvöld tilkynntu síðdegis að samkomulag hefði náðst við Marokkó um að efla samstarf við landamærin og vinna að því að flytja þá sem hefðu farið ólöglega inn í Ceuta sem fyrst til baka.
Innanríkisráðuneytið kennir smyglsamtökum að hluta um það sem nú er að gerast og segir þau hafa nýtt sér nýlegan dóm spænska Hæstaréttar til að hvetja fólk til að streyma yfir landamærin.
Hæstiréttur komst fyrr í þessum mánuði að þeirri niðurstöðu að ekki mætti sjálfkrafa senda til baka fólk sem væri stöðvað á sjó á leið inn í Ceuta eða Melilla samkvæmt þeirri sérstöku reglu sem áður hafði verið notuð við landamærin. Guardia Civil segir að eftir dóminn hafi verið stöðugur straumur fólks yfir landamærin en að í dag hafi orðið sprenging í þeim efnum.
BREAKING:
Moroccan media reports that over 30,000 Moroccans are currently invading Ceuta
On the eve of Throne Day, Moroccan King Mohammed VI pardoned 1,788 prisoners. In May, he pardoned 1,376 prisoners, including terrorists.
They are now entering Spain with no controls
🇪🇸🇲🇦 pic.twitter.com/WzKlFN6zrf
— Visegrád 24 (@visegrad24) July 30, 2026
Minnir á kreppuna árið 2021
Atburðir dagsins minna mjög á landamærakreppuna í maí árið 2021 þegar um 10 þúsund manns fóru frá Marokkó inn í Ceuta á örfáum dögum.
Vivas hafði þegar í morgun varað við því að ef fólksfjöldinn héldi áfram að aukast með sama hraða gæti ástandið orðið sambærilegt við það sem gerðist þá.
Spænsk stjórnvöld segja samstarfið við Marokkó um að stöðva ólöglegar ferðir vera áfram öflugt og að marokkóskar öryggissveitir hafi komið í veg fyrir þúsundir tilrauna til að komast yfir landamærin undanfarna daga.
Hér fyrir neðan má sjá myndband þegar streymt var beint frá ástandinu á svæðinu:
