Milljarða fjárstreymi í gegnum félagakeðju frá rekstri yfir í eignarhaldsfélög [ehf] áfram í samlagsfélög [slf] og net félaga.
Höfundar: Rebekka Ósk Sváfnisdóttir og Hallur Hallsson
Íslensk félagaskrá; Keldan.is og ársreikningar sýna ítrekað mynstur þar sem rekstrarfélagið Centra fyrirtækjaráðgjöf, flytur hagnað í gegnum flókið net eignarhaldsfélaga (ehf.) áfram í samlagsfélög (slf.) og loks net hlutafélaga. Centra ráðgjöf er í eigu Kristjáns Arasonar – eiginmanns Þorgerðar Katrínar Gunnarsdóttur utanrikisráðkonu Íslands – Hermanns Baldurssonar, Ingvars Garðarssonar, Sigurðar Harðarssonar og Karls Þorsteins. Uppbygging gerir almenningi erfitt að átta sig á því hvar raunverulegur hagnaður verður til, endar og hverjir njóta. Rétt eins og „útrásarvíkingarnir“ á tímum bankahruns. Í tilviki sem hér er til skoðunar er rekstrarfélagið Centra fjármálaráðgjöf fremsti hlekkur í langri keðju. Um er að ræða „fjögurra þrepa kerfi“ og greining gagna bendir til eftirfarandi skipulags.
Centra fjármálaráðgjöf í eigu fimmmenninganna sér um daglegan rekstur og tekjuöflun. Centra kemur að risa verkefnum, t.d. tugmilljarða kísilverksmiðju United Silicor í Helguvík, Reykjaneshöfn verk upp á 2.5 milljarða króna. Elliheimilið Grund upp á 1.3 milljarð króna. Stakkholt fasteignafélag 4.3 milljarða á svokölluðum Hampiðjureiti þar sem centra-félagar áttu 20% hlut í Stakkholti. Kadeco eða Háskólavellir við Keflavíkurflugvöll 14 milljarðar króna. Svo er það Isavia með risaverkefni á Vellinum þar sem grátt verður svart. Centra fjármálaráðgjöf hefur milligöngu um fjármögnun sem til þarf svo verk raungerist. Fjármagn er sótt til fjárfesta, lífeyrissjóða, banka og ríkisins. Centra fær greitt prósentuþóknun fyrir sitt framlag. Centra verður aldrei fyrir beinu falli þó verkefni gangi ekki upp. Centra er fyrsti hlekkur í langri keðju. Samanber United Silicor, sbr. síðar.
Fimm félagar og flókið fjármálanet
Centra fyrirtækjaráðgjöf í eigu fyrrnefndra fimmfélaga sem eiga eftirfarandi eignarhaldsfélög: Bdix ehf. í eigu Kristjáns Arasonar. Bellevue Partners ehf. í eigu Sigurðar Harðarsonar. Svinnur ehf. í eigu Ingvars Garðarssonar. HB Consulting ehf. í eigu Hermanns Baldurssonar. Ditto ehf. í eigu Karls Þorsteins. Þessi félög gegna lykilhlutverki sem milliþrep í fjármagnsflutningum frá móðurfélaginu Centra í formi arðs, þjónustugjalda, ráðgjafargreiðslna og öðrum millifærslum innan samstæðunnar. Fimmfélagarnir opnuðu samlagsfélög [slf.] árið 2018 með sömu kennitölu, skráð sama dag hjá skattinum og hlutu blessun Fjármálaeftirlitsins í febrúar 2019. Eftirfarandi samlagsfélög eru: Kristján Arason Bdix dx slf.Sigurður Harðarson Bellevue Partners dx slf. Hermann Baldursson HB Consulting dx slf. Ingvar Garðarsson Svinnur dx slf. Karl Þorsteins Dittó dx slf.
Skoðun okkar bendir til eftirfarandi mynsturs: Skref 1: Tekjur og hagnaður safnast í rekstrarfélaginu Centra fyrirtækjaráðgjöf í tengslum við milljarða verkefni. Skref 2: Flutningur fjármuna úr Centra yfir í eignarhaldsfélögin fimm í formi arðgreiðslna, þjónustugjalda eða ráðgjafargreiðslna og öðrum millifærslum innan sömu samstæðu. Skref 3:Fjármunir fara áfram í samlagsfélögin (slf.) sem arður, lán eða fjárfestingar. Skref 4: Félög stofnuð í tengslum við einstök verkefni.
Félög sem eiga í félögum sem eiga í félögum
Allir eiga Centra og allir eiga í einkahlutafélögum ehf. hvers annars svo og samlagsfélögum slf. Félög eiga í félögum sem svo eiga í félögum. Stofnun samlagsfélaganna (slf.) árið 2018 var sem ný tromla í þvottahúsi Centra ráðgjafar sem greiddi ekki laun fyrir árið 2018 – fremur en önnur ár – en greiddi 75 milljóna arð sem skiptist á fimm einkahluthafafélög sem öll eiga 20% hlut hvert í öðru og áfram í samlagsfélögum slf. Ársreikningar eru ekki undirritaðir af óháðum endurskoðendum. Undirritun ársreikninga er í höndum aðila sem hagsmuna hafa að gæta, t.d. eiginkonu og barna, svo sem sjá má á Keldunni. Centra fyrirtækjaráðgjöf er með kennitölu 560209-0530 með aðsetur í Borgartúni 27, varð til í kjölfar Hrunsins mikla þegar flaggskip ráðgjafabransans Capacent fór í milljarða gjaldþrot.
Teymið - "The team"- Nútíma óligarkar
Djúpríki Centra er kallað <
F-reitur, Hlíðarfótur og peningaþvætti
Centra fyrirtækjaráðgjöf stofnaði fyrirtækið F-reit árið 2017 með heimilisfesti að Borgartúni 27. Forráðamaður samkvæmt Keldu.is Kristján Arason. F-reitur við upphaf skráningar átti 50% hlutafjár í félagi kallað Hlíðarfótur ehf. sem vinnur að uppbyggingu íbúða á Hlíðarenda í Reykjavík. Árið 2021 var greiddur rétt um tveggja milljarða króna arður til hluthafa, Valsmanna hf. og F reitar ehf.Kristján Arason hafði lánað F-reit 555 milljónir króna til að fjárfesta í Hlíðarfæti fyrir 554 milljónir. F-reitur greiddi arð til hluthafa árið 2021 sem nam 446 milljónum króna. Arður til einstaklings ber 22% fjármagnstekjuskatt en arður milli félaga ber ekki fjármagnstekjuskatt; 0%. F-reitur ehf. fékk arð frá hlutdeildarfélagi árið 2021 upp á 999 milljónir króna. Árið 2022 greiddi F-reitur 65 milljónir í arð. Undir lok árs 2023 keypti Centra fyrirtækjaráðgjöf allt hlutafé F-reits. Nútíma peningaþvottavél á sífelldum snúningi.
Keðja Centra falin, margsaga og ógagnsæ
Skattlagning er flókin vegna frestana, dreifingar fjármagns sem takmarkar sýn á hagnað. Rekstur i einu félagi og eignir eða fjárfestingar í öðrum. Er það óeðlilegt? Þessi félagsstrúktúr er algengur í stærri rekstri til að stýra áhættu og skipuleggja fjárfestingar. Keðja þeirra fimmfélaga í Centra hins vegar er falin, margþrepa og ógagnsæ. Gögn benda til mynsturs með sama sniði og fyrir bankahrun. Þrátt fyrir að uppbygging sé lögleg í grunninn stendur spurning eftir: Hver situr eftir með hagnað þegar allt er talið? Það eru eigendur Centra og aðilar sem koma að verkefnum. Hundruð milljónir, milljarðar króna fara í gegnum fjármálanet þeirra. Innan keðju félaga finnast ekki launamenn sem greiða tekjuskatta í skattþrepum 31.49%, 37.99%, 46.29%. Kristján Arason og félagar forðast tekjuskatt eins og heitan eld en almúginn er ofurseldur.Kristján Arason << nútíma óligarki >> starfar á gráu svæði; << loophole >> íslensks fjarmálakerfis. Ef Ísland gengur í Evrópusambandið opnast verkefni í gegn um evrópska sjóði sem skapar Kristjáni Arasyni og < Allt þetta þekkir utanríkisráðkonan Þorgerður Katrín Gunnarsdóttir eiginkona Kristjáns Arasonar. Centra ráðgjöf afhjúpar eitraða tengingu stjórnmála og viðskipta. Í hagsmunaskráningu kveður ráðkona enga hagsmunaárekstra í sinni hálfu. Hún sumsé kveðst flekklaus. Upplýsingar um Kristján Arason eru „ekki birtar opinberlega.“ Ekkert er minnst á eitruð tengsl þeirra hjóna, fortíð þeirra hjóna, málaferlin gegn þeim vegna kúlulánsnins, né 75 milljarðana til húsbænda Kristjáns í Kaupþingi sem var stolið og komið úr landi. Stjórnmálamaður skráir ekki fortíð og felur nútíð.Flekklaus ferill
