Maðurinn sem getur fellt Netanjahú er enginn friðarsinni
Fyrrverandi hershöfðinginn Gadi Eisenkot sækist eftir stuðningi kjósenda sem vilja breytingar eftir valdatíma Benjamin Netanjahús.
Gadi Eisenkot, sem gæti komið Benjamin Netanjahú, forsætisráðherra Ísraels, frá völdum, klæðist nær alltaf svörtu, talar ensku með erfiðismunum og svarar gjarnan spurningum í viðtölum með upptalningum. Þar gætir áhrifa hernaðarmenningarinnar sem mótaði hann.
Sumum kjósendum í þingkosningunum í dag kann að þykja skortur hins 66 ára Eisenkots á persónutöfrum einn helsti kostur hans.
Eisenkot er alvarlegur og látlaus og að mörgu leyti andstæða Netanjahús, sem hefur setið lengst allra sem forsætisráðherra Ísraels. Netanjahú talar lýtalausa ensku með bandarískum hreim og er ávallt reiðubúinn með eftirminnilegar yfirlýsingar í bandarísku sjónvarpi eða á samfélagsmiðlum.
Eisenkot, sem var yfirmaður ísraelska hersins frá 2015 til 2019, hefur heitið því að sameina Ísraela eftir umdeildan valdatíma Netanjahús, sem hefur fært landið langt til hægri.
„Stór hópur fólks í Ísrael vill fyrst og fremst að ró færist yfir í kosningunum sem fram undan eru,“ sagði Tal Elovits, rannsakandi hjá hugveitunni …
