Jóhannes Loftsson skrifar:
Það vantaði meiri fasisma… allavega ef marka má nýju sóttvarnarlögin
Í vikunni voru ný sóttvarnarlög samþykkt og tillögu um að rannsókn á mistökum covid-tímans hafnað.
Frá því lögunum var breytt á covid-tímanum er í dag eftirfarandi „inngrip“ skilgreint:
“Götun eða skurður í húð eða ísetning áhalds eða framandi efnis í líkamann eða rannsókn á líkamsholi.“ (1.gr)
Hvorki er tilgreint hvert áhaldið eða hið framandi efni sé og því eru yfirvöld að gefa sér leyfi til að sprauta hvaða efni eða setja hvað búnað sem er í fólk án þeirra leyfis.
Í 13. grein reglugerðarinnar kemur fram að inngripi eigi að beita gagnvart einstaklingum grunuðum um smit. Reyndar er sagt líka í sömu grein að allar ónæmis og heilbrigðisaðgerðir séu óheimilar án upplýsts samþykkis, en síðan sagt nema 7.gr eigi við, þ.e. þegar yfirvöld ákveða annað.
Þessi grein opnar óbeint á bæði á skyldubólusetningu og jafnvel ísetningu örflaga í fólk, eftir því hvernig lögin eru túlkuð.
Upphaflega kemur ákvæðið frá Alþjóðaheilbrigðismálastofnuninni sem hefur sýnt sig að vera undir sterkum fjárhagslegum áhrifum hagsmunaaðila í lyfjageiranum og slíkar víðar heimildir samræmast þeim hagsmunum.
Þegar fyrst var verið að lögleiða þessar öfgar 2020 í miðjum faraldri skilað ég inn ítarlegri umsögn fyrir hóp fólks, og vitnaði fyrir þingnefnd, en því miður var of lítið hlustað á varnaðarorðin.
Tilgangur löggjafar sem þessarar ætti fyrst of fremst að vera til að verja almenning frá ofstjórn yfirvalda með að skilgreina takmörkuð völd. Í staðinn er verið að skrifa upp á opinn tékka um óljóst skilgreindar aðgerðir. Lítið aðhald mun verða af sérhverjum öfgum því reynslan hefur sýnt að dómsstólar veita almenningi nær enga vernd þegar meintu “neyðarástandi” hefur verið lýst yfir og yfirvöld taka sér alræðisvöld í hendur. “Hlýðum Víði” slagorðið yfirtók allt samfélagið á covidtímanum, dómskerfið líka.
Tilviljanafaraldurinn
En stóðu Íslendingar sig virkilega svo glæsilega síðast að þeir vilja endurtaka leikinn með enn meiri fasisma án þess að það sé einu sinni rannsakað. Enn hefur enginn þorað að birta bóluefnasamningana sjálfa. Fyrirvari Pfizer í samningum um að virkni og skaðsemi bóluefnanna hafi verið óþekkt er eitthvað sem þau vilja seint viðurkenna, því þessum upplýsingum var haldið frá almenningi á sínum tíma til að sem flestir myndu sprauta sig.
Vill fólk virkilega endurtaka þennan leik sem kostaði Íslendinga 1000 milljarða og mögulega 1000 líf.
Eða trúir fólk því kannski að það sé bara tilviljun að krabbamein hafi aukist, frjósemi minnkað, hjartakvillar hafa aukist og POTS og andlitslömunar faraldur skollið á fyrirvaralaust eftir sprauturnar.
Eða er þetta kannski bara tilviljun?
Í næstu pest þarf þó kannski ekki að sannfæra neinn. Hver nennis slíku þegar hægt er að þvinga alla til hlýðni.
Sá sem vill ekki læra af sögunni verður dæmdur til að endurtaka mistök fortíðar. Aftur og aftur, með vöxtum og vaxta-vöxtum.
