12 ágúst næstkomandi verður almyrkvi á sólu sjáanlegur frá vesturhluta landsins. Á öllu landinu verður deildarmyrkvi, þar sem skuggi tunglsins gengur að hluta til fyrir sólina. Á Vestfjörðum, Snæfellsnesi, Vesturlandi og Reykjanesskaga gengur skugginn að fullu fyrir sólina og þá verður almyrkvi.
Deildarmyrkvinn hefst um korter í fimm. Þá snertir skuggi tunglsins fyrst sólarkringluna. Mikilvægt er að nota sólmyrkvagleraugu til að virða sólina fyrir sér.
Hægt og rólega færist hann yfir og um hálfsex fer myrkvinn að gera vart við sig. Þó sífellt minna sjáist af sólinni er enn nauðsynlegt að hafa gleraugun á.
Um korter í sex hefst almyrkvinn, fyrst á Hornströndum og svo færist skugginn yfir landið. Þegar skuggi tunglsins hylur alla sólarkringluna er hægt að taka gleraugun af til að virða fyrir sér almyrkvann.
Hversu lengi almyrkvinn varir veltur á staðsetningu. Það getur verið allt frá nokkrum sekúndum upp í rúmar tvær mínútur vestast á landinu. Þegar honum er að ljúka þarf að setja sólmyrkvagleraugun upp aftur til að forðast augnskaða.
Vestfirðir
Sveitarfélög á Vestfjörðum hafa bent fólki sem vill ferðast vestur á að gefa sér nægan tíma í ferðalagið og helst vera komin tímanlega vestur.
Bolungarvík
Vegurinn að útsýnispallinum á Bolafjalli verður lokaður fyrir almenna umferð. West Travel býður upp á rútuferðir á Bolafjall.
Ísafjarðarbær
Ísafjarðarbær hefur skilgreint safnstaði við íþróttahúsin á Flateyri, Ísafirði, Suðureyri og Þingeyri, þar sem gert er ráð fyrir að íbúar og gestir geti komið saman til að fylgjast með myrkvanum.
Vesturbyggð
Á landi varir almyrkvinn lengst á Látrabjargi. Þar eru takmörkuð bílastæði og innviðir sömuleiðis takmarkaðir. Næturgisting er ekki leyfileg á bílastæðinu við bjargið. Stærri rútur fá ekki að keyra út að bjargi 12. ágúst. Á veginum þangað verður lögregla með umferðarstýringu.
Það komast því ekki margir út að Látrabjargi en fleiri geta virt myrkvann fyrir sér úr Breiðuvík og af Rauðasandi.
Það verður einstefna út með Patreksfirði og yfir á Látrabjarg og Rauðasand fyrir myrkvann. Eftir myrkvann verður umferðarstefnu snúið við. Hámarkshraði verður lækkaður.
Lokunarpóstur verður settur upp í botni Patreksfjarðar við afleggjarann út Örlygshafnarveg snemma morguns. Þegar lögregla telur að svæðið þoli ekki fleiri gesti verður veginum lokað.
Fólki er bent á að best er að halda sig í þéttbýli þar sem allir innviðir eru til staðar. Sveitarfélagið bætir í aðstöðu á tjaldsvæðunum auk þess sem fjöldi einkarekinna gististaða býr sig undir að taka á móti meiri fjölda. Á Patreksfirði, Tálknafirði og Bíldudal verða safnstaðir þar sem hægt verður að safnast saman.
Vesturland
Á Snæfellsnesi verður hringakstur um Útnesveg yst á Snæfellsnesi. Það verður einstefna frá Búðum að Hellissandi.
Vegurinn út að Öndverðarnesi verður lokaður en boðið upp á rútuferðir á vegum Snæfellsjökulsþjóðgarðs.
Þá verður hringakstur um Klofningsnes, einstefna út Fellsströnd að Klofningi og inn Skarðströnd.
Snæfellsjökulsþjóðgarður
Innan Snæfellsjökulsþjóðgarðs hefur verið bætt bílastæðum og girðingum til að vernda náttúruna. Þá hefur fleiri salernum verið komið fyrir og starfsfólki fjölgað verulega. Eins og fyrr segir er vegurinn að Öndverðarnesi lokaður og þjóðgarðurinn býður upp á rútuferðir.
Á Hellissandi fer fram hátíðin Iceland Eclipse. Gert er ráð fyrir að allt að 5000 gestir dvelji þar. Fyrir þá sem ekki gista á hátíðinni verður tjaldsvæðið í Ólafsvík og á Hellissandi stækkað og bætt við rafmagnstenglum.
Höfuðborgarsvæðið
Almyrkvinn á höfuðborgarsvæðinu varir frá hálfri til rúmlega einnar mínútu eftir því hvar fólk er statt.
Einstefna verður á Álftanesvegi og Suðurnesvegi. Á Seltjarnarnesi verða lokanir við Suðurströnd og Norðurströnd og stranglega bannað að fara út í Gróttu.
Þá verða lokanir í Reykjavík, t.d. á Suðurgötu, Ægisíðu og í nærliggjandi götum.
Seltjarnarnes
Suðurströnd verður lokuð fyrir bílaumferð frá Vivaldi-velli / Sundlaug að austanverðu og við Lindarbraut og Nesbala að vestan frá kl. 15.00 til 20.00. Allar þvergötur sem liggja að Suðurströnd verða einnig lokaðar. Bent er á bílastæði við sundlaug, Austurströnd og Eiðistorg.
Lokað verður fyrir akstur um Norðurströnd vestan Lindarbrautar frá kl. 15.00 til kl. 20.00. Bent er á bílastæði við Austurströnd og Eiðistorg.
Ekki er leyfilegt að fara út í Gróttu þann 12. ágúst. Flóð er á meðan almyrkva stendur. Akstursleið út að Gróttu verður lokuð við Lindarbraut frá kl. 15.00 og til kl. 20.00.
Reykjavík
Suðurgata verður lokuð fyrir akstri við Hringbraut frá kl. 15.00 til kl. 20.00. Allar þvergötur Suðurgötu verða einnig lokaðar nema Þorragata en um hana er opið fyrir umferð í Skerjafjörð.
Ægisíða verður lokuð fyrir bílaumferð við Hofsvallagötu, Fornhaga og Dunhaga frá kl. 15.00 til kl. 20.00. Einnig verður lokað fyrir bílaumferð við Lynghaga og Starhaga á þessum tíma.
Seltjarnarnes
Suðurströnd verður lokuð fyrir bílaumferð frá Vivaldi-velli / Sundlaug að austanverðu og við Lindarbraut og Nesbala að vestan frá kl. 15.00 til 20.00. Allar þvergötur sem liggja að Suðurströnd verða einnig lokaðar. Bent er á bílastæði við sundlaug, Austurströnd og Eiðistorg.
Lokað verður fyrir akstur um Norðurströnd vestan Lindarbrautar frá kl. 15.00 til kl. 20.00. Bent er á bílastæði við Austurströnd og Eiðistorg.
Ekki er leyfilegt að fara út í Gróttu þann 12. ágúst. Flóð er á meðan almyrkva stendur. Akstursleið út að Gróttu verður lokuð við Lindarbraut frá kl. 15.00 og til kl. 20.00.
Reykjavík
Suðurgata verður lokuð fyrir akstri við Hringbraut frá kl. 15.00 til kl. 20.00. Allar þvergötur Suðurgötu verða einnig lokaðar nema Þorragata en um hana er opið fyrir umferð í Skerjafjörð.
Ægisíða verður lokuð fyrir bílaumferð við Hofsvallagötu, Fornhaga og Dunhaga frá kl. 15.00 til kl. 20.00. Einnig verður lokað fyrir bílaumferð við Lynghaga og Starhaga á þessum tíma.
Hafnarfjörður
Á Víðistaðatúni verður Björk plötusnúður á tónlistarviðburðinum Echolalia. Götunum í kring verður lokað á eftirfarandi tímum:
Frá kl. 10-12 á miðnætti – Hraunbrún verður algerlega lokuð almennri umferð við gatnamót Hraunbrúnar og Garðavegs. Ekki verður hægt að keyra þar í gegn. Íbúum við Hraunbrún verður þó leyft að aka til og frá heimilum sínum. Öllum íbúum innan lokunarpósta verða afhentir aksturspassar. Íbúar við Hraunbrún verða að koma frá Reykjavíkurvegi eða Hjallabraut til að aka inn á Hraunbrún. Ekki verður hægt að keyra inn á Hraunbrún frá Hellisgötu eða Garðavegi.
Frá 11:00-15:00 og 20:00-23:00 verður umferð stýrt um Hjallabraut og skert aðgengi um hana á meðan.
Strætisvagnaferðir verða skipulagðar frá bílastæðum við Iðnskólann í Hafnarfirði og planinu við sælgætisgerðina Góu í Garðahrauni/Kaplakrika vegna viðburðarins á Víðistaðatúni.
Garðabær
Einstefna verður á Álftanesvegi og Suðurnesvegi frá hringtorgi við Bessastaðaafleggjara frá kl. 15.00 til 20.00. Bent er á bílastæði við íþóttasvæði og sundlaug sem og á túnunum vestan við íþróttasvæði.
Mosfellsbær
Íbúum er bent á Tungubakka sem ákjósanlegan stað til að upplifa almyrkvan en þar mun almyrkvinn vara í um 30 sekúndur. Þar verður ýmislegt um að vera og sölubásar til staðar. Íbúar eru hvattir til að ganga eða hjóla og skilja bílinn eftir heima.
Garðabær
Einstefna verður á Álftanesvegi og Suðurnesvegi frá hringtorgi við Bessastaðaafleggjara frá kl. 15.00 til 20.00. Bent er á bílastæði við íþóttasvæði og sundlaug sem og á túnunum vestan við íþróttasvæði.
Mosfellsbær
Íbúum er bent á Tungubakka sem ákjósanlegan stað til að upplifa almyrkvan en þar mun almyrkvinn vara í um 30 sekúndur. Þar verður ýmislegt um að vera og sölubásar til staðar. Íbúar eru hvattir til að ganga eða hjóla og skilja bílinn eftir heima.
Reykjanesskagi
Á Reykjanesskaga verður umferðarstýring á Garðskagavegi, frá Nesvegi að Sandgerði og Vatnsleysustrandarvegi, frá Vogum að Kúagerði.
Reykjanesbær
Búið er að stilla upp fjórum stærðar sólmyrkvagleraugum þar sem fólki er bent á ða sanfast saman. Þau eru við Kamb í Innri Njarðvík, í Skrúðgarðinum í Ytri Njarðvík, í Holtunum ofan við Holtaskóla og við Ráðhúsið á Ásbrú.
Á þessum stöðum verður dagskrá frá 17-18.30. Fólki er bent á að ganga eða hjóla á staðinn ef hægt er, taka með sér teppi og útilegustóla og muna eftir viðurkenndum sólmyrkvagleraugum.
Sandgerði og Garður
Sjávarbraut í Sandgerði verður lokuð fyrir bílaumferð, þannig að gangandi gestir geti notið almyrkvans þar á öruggan hátt. Á Skagabraut verður einstefna út að Garðskaga. Umferð til baka verður um Útgarðsveg og þaðan inn á Garðskagaveg.
Gjaldskyld bílastæði verða í boði á tveimur túnum á Garðskaga. Einnig verður sérstakt bílastæði fyrir rútur á Víðisplaninu.
Fólki er bent á að leggja aðeins á merktum bílastæðum og halda neyðarleiðum opnum. Þá á að forðast notkun dróna yfir mannfjölda.
