Rose Bacardi, fimmtug kona í Omaha í Nebraska, rifbeinsbrotnaði og hlaut áverka á höfði og andliti þegar hópur unglinga réðist á hana og vin hennar í og við strætisvagn síðastliðinn fimmtudag. Í myndbandi af árásinni sjást nokkrir unglingar slá hana í höfuðið áður en henni er ýtt út úr vagninum. Hún blæðir mikið úr höfði þegar hún lendir á gangstéttinni.
Í færslu á X þar sem myndbandinu er deilt segir að árásarmennirnir séu svartir unglingar og Rose hvít. Fjórir hafa verið handteknir og lögregla leitar fleiri.
Segir að árásin hafi hafist eftir þjófnað
Rose var í strætisvagninum ásamt vini sínum, Xavier Woods, þegar hópur manna kom um borð. Hún segir að unglingarnir hafi tekið síma, greiðslukort og vetrarfrakka af Xavier.
Þegar hann reyndi að fá eigur sínar aftur hafi hópurinn ráðist á hann með höggum og spörkum. Síðan hafi unglingarnir snúið sér að henni þegar hún reyndi að komast út úr vagninum til hans.
„Ég vildi bara komast út úr vagninum og þau byrjuðu bara að berja mig að ástæðulausu,“ sagði Rose í viðtali við KETV. Hún hafi haldið sér í vagninn til að detta ekki aftur fyrir sig þegar hún var slegin í andlitið.
Rose var flutt á sjúkrahús. Hún segist hafa fengið glóðarauga, áverka á höfði og andliti og sprungur í tvö rifbein. Hún segir að Xavier hafi einnig fengið mörg högg á höfuðið.
Fjórir handteknir – lögregla leitar að fleirum
Rose og Xavier sögðu lögreglu að hópur 20 til 40 unglinga hefði ráðist á þau í og við vagninn. Ekki liggur fyrir hversu margir tóku beinan þátt í árásinni.
Fjórir unglingar á aldrinum 14 til 16 ára hafa verið handteknir og færðir í unglingavistun. Lögregla segir að fleiri handtökur séu væntanlegar.
Lögregla rannsakar einnig tvær aðrar árásir sama dag sem gætu tengst sama hópi. Ekki hefur verið staðfest að málin tengist.
„Hvað ef ég væri mamma ykkar?“
Rose beindi spurningu til þeirra sem réðust á hana þegar hún ræddi við fréttamenn eftir árásina:
Myndband af árásinni má sjá hér: