Hinn 28 ára gamli Joshua Kerry, sem er ákærður fyrir morðið á Ann Widdecombe, fyrrverandi ráðherra og talskonu Umbótaflokksins eða Reform UK, hefur einnig verið ákærður fyrir að skipuleggja hryðjuverkaárás á Nigel Farage, leiðtoga sama flokks. Frá þessu greinir BBC.
Breska hryðjuverkalögreglan stýrði rannsókn málsins og segir hana afar yfirgripsmikla. Ákæran tengist háttsemi sem hafi átt sér stað yfir rúmlega tveggja ára tímabil, eða frá því í maí 2024 til júlí 2026. Kerry verður leiddur fyrir dómara á miðvikudaginn.
Hann var upphaflega handtekinn 11. júlí fyrir morðið á Widdecombe og var jafnframt handtekinn 13. júlí, grunaður um að hafa framið, undirbúið eða hvatt til hryðjuverka. Widdecombe var 78 ára og fannst látin á heimili sínu í Devon þann 9. júlí. Hún hafði hlotið alvarlega áverka.
Innanríkisráðherra Bretlands, Shabana Mahmood, sagði ákæruna mikið áhyggjuefni og að hugur hennar væri allur hjá Farage og fjölskyldu hans. Hún hyggst skoða leiðir til þess að efla öryggi þeirra sem gegna opinberum embættum.
„Þetta mál vekur upp alvarlegar spurningar um öryggi þeirra sem gegna opinberum störfum.“
