Fékk 63 milljónir í þóknun vegna sjóðsins
Spakur Invest, sjóður Helgu Viðarsdóttur skilaði 242 milljóna króna hagnaði í fyrra. Seðlabankinn og forsætisráðuneytið skoðuðu mögulega hagsmunaárekstra þar sem unnusti Helgu er Ásgeir Jónsson seðlabankastjóri.
Félag Helgu Viðarsdóttur, Barbara ehf., fékk greidda rúma hálfa milljón Bandaríkjadala, eða andvirði tæpra 63 milljóna króna, í fyrra fyrir umsjón með sjóðnum Spakur Invest og árangurstengda þóknun.
Þetta kemur fram í ársreikningi sjóðsins fyrir árið 2025. Spakur Invest hagnaðist um tæpar 2 milljónir Bandaríkjadala, eða um tæpar 242 milljónir króna. Hrein eign nam rúmlega 910 milljónum krónum.
Heimildin fjallaði um sjóðinn í fyrra en Helga er framkvæmdastjóri hans og stofnandi. Seðlabankinn og síðar forsætisráðuneytið könnuðu mögulega hagsmunaárekstra vegna sjóðsins þar sem Helga er unnusta Ásgeirs Jónssonar seðlabankastjóra.
Helga stofnaði sjóðinn árið 2021, skömmu eftir að Ásgeir var skipaður seðlabankastjóri og þau höfðu trúlofast. Fyrirtæki alfarið í eigu Helgu, Barbara ehf., er skráð hjá Seðlabankanum sem rekstraraðili sjóðsins. Í fyrra fékk félagið 140.585 dali í umsýsluþóknun frá Spaki Invest og 367.860 dali í árangurstengda þóknun, samtals andvirði tæpra 63 milljóna króna.
Fjárfesti í íslenskum félögum
Sjóðurinn fjárfesti áður í …
