Nigel Farage, leiðtogi Umbótaflokksins, sigraði í aukakosningunum sem fram fóru í Clacton á Englandi í gær. Farage fékk 22.239 atkvæði í kosningunum. Hans helsti keppinautur, Fötufés greifi, fékk 9.455 atkvæði. Hinir 32 frambjóðendurnir fengu undir 500 atkvæði hver.
Farage var ekki viðstaddur þegar endanleg úrslit voru kynnt en hefð er fyrir því að allir frambjóðendur séu viðstaddir þegar úrslit eru lesin upp. Hann segir að lögreglan í Essex hafi varað sig við því að úrslitin yrðu trufluð með skipulögðum hætti.
Heimildir breska ríkisútvarpsins herma að þetta sé ekki rétt, lögreglan hafi ekki gefið út neinar viðvaranir til frambjóðenda. Umbótaflokkurinn hefur einnig aflýst morgunræðu Farage sem var ráðgerð eftir kosningarnar, sem flokkurinn hafði kynnt sem mikilvæga ræðu.
34 frambjóðendur kepptust um þingsætið, sem var áður þingsæti Farage áður en hann sagði af sér í júlí. Hann var gagnrýndur fyrir að hafa ekki skráð gjafir og annan fjárhagslegan stuðning sem hann þáði áður en hann var kjörinn á breska þingið árið 2024.
Kjörsókn var 44,37% í aukakosningunum. Í þingkosningunum 2024 var kjörsókn nokkuð meiri í Clacton en nú, eða 58,7%.
Í umfjöllun breska ríkisútvarpsins um aukakosningarnar má sjá hvernig atkvæði skiptust milli frambjóðenda.
