Schumer er talinn hafa spilað stóra rullu í velgengni flokksins, þótt hann hafi sjálfur verið tiltölulega umdeildur meðal kjósenda Demókrata. Hann fékk marga af frambjóðendum flokksins sem eru að mæta á þing til að fara í framboð.
Hann er þó 75 ára gamall og hefur lengi verið á öldungadeildinni fyrir hönd kjósenda í New York. Schumer er talinn hafa stigið nokkur feilspor á undanförnum árum, þar á meðal með því að greiða tvisvar sinnum atkvæði með fjárlagafrumvörpum Repúblikana í fyrra.
Sjá einnig: Demókratar reiðir hver öðrum en aðallega reiðir Schumer
Van Hollen, sem er 67 ára þingmaður frá Maryland, opinberaði framboð sitt í gær. Þá sagði hann að bandaríska þjóðin kallaði eftir því að Demókratar gerðu breytingar og vísaði sérstaklega til þess að Demókratar breyttu hagkerfinu sem búið væri að beita gegn almenningi og ýtti undir pólitíska spillingu.
„Til að verða við því ákalli, þurfum við nýja stjórnun. Þetta snýst ekki um einhverja eina manneskju, þetta snýst um að svara kallinu.“
In this election, Americans called on us to unrig an economy rigged against working people & fueled by political corruption. To deliver, we need new leadership. This isn't about any one person – it’s about answering that call. That's why I’m running for Senate Majority Leader.
— Senator Chris Van Hollen (@ChrisVanHollen) November 13, 2026
Demókratar hafa tryggt sér 55 þingsæti í öldungadeildinni, af hundrað, og gætu náð 56 ef Mary Peltola ber sigur úr býtum í Alaska, þar sem talningu er ekki lokið enn.
Kosið verður um stöðuna í næsta mánuði en atkvæðagreiðslan er leynileg, þar sem þingmenn þurfa ekki að opinbera afstöðu sína.
Schumer hefur sagt að hann telji sig hafa nægilegan stuðning innan þingflokksins til að verða áfram leiðtogi hans. Samkvæmt AP-fréttaveitunni hefur hann átt í ítarlegum samtölum við þingmenn flokksins til að leggja línurnar fyrir næsta ár.
Eftir að Van Hollen boðaði framboð sitt sagðist Schumer fagna allri umræðu um framtíð þingflokksins.
„Ég er stoltur af því sem við höfum áorkað saman. 55 sæti og jafnvel fleiri er frábær árangur og ég hef atkvæðin til að sitja áfram sem leiðtogi þingflokksins. Ég hlakka til að leiða okkar nýja meirihluta og ná árangri fyrir bandarísku þjóðina.“
I welcome any discussion about the future of our caucus and the important work ahead. I’m proud of what we’ve accomplished together—55 seats and counting is an amazing result—and I have the votes to continue serving as Democratic Leader. I look forward to leading our new Democratic majority and delivering for the American people.
— Chuck Schumer (@SenSchumer) November 13, 2026
Fáir þingmenn hafa gefið upp afstöðu sína enn sem komið er. Tveir hafa þó lýst yfir stuðningi við Van Hollen. Það eru Bernie Sanders og Abdul El-Sayed, sem bar sigur úr býtum í Michigan í kosningunum.
