Yfirvöld í Ástralíu upprættu ólöglega kakkalakkaræktun í Nýju Suður-Wales og lögðu hald á 100 þúsund kakkalakka. Sumir hverjir eru á stærð við mannslófa.
Verðmæti kakkalakkanna eru talin nema 200 þúsund áströlskum dollurum, eða 17 milljónum íslenskra króna.
Kakkalakkarnir eru af tveimur gerðum og eru svokallaðir hvæsandi Madagaskar-kakkalakkar og dubia-kakkalakkar. Báðar tegundir eru ólöglegar í Ástralíu.
Dubia-kakkalakkar eru meðal annars notaðir sem fóður fyrir gæludýraeðlur, en tegundin er mjög ágeng og gæti ógnað líffræðilegri fjölbreytni landsins.
Kakkalakkarnir verða aflífaðir.
