Þetta kemur fram í dagbók lögreglunnar á höfuðborgarsvæðinu þar sem farið er yfir verkefni embættisins frá fimm í gær til fimm í nótt. Slysið átti sér stað í umdæmi lögreglustöðvar 3 sem sinnir Kópavogi og Breiðholti.
Einn var handtekinn í vesturhluta borgarinnar. Hann hafði verið stöðvaður í akstri og reyndist vera erlendur ríkisborgari sem gat ekki borið kennsl á sig. Hann er grunaður um sölu og dreifingu fíkniefna og var vistaður í fangaklefa.
Tveir voru handteknir í austurhluta borgarinnar eftir að hafa verið stöðvaðir á bíl sem búið var að tilkynna stolinn. Þeir voru vistaðir í fangaklefa og ökumaðurinn er grunaður um akstur undir áhrifum fíkniefna.
