Starmer boðar 300 milljarða punda fjárfestingu í varnarmálum
Fjárfestingaráætlun bresku ríkisstjórnarinnar í varnarmálum felur meðal annars í sér meira en 5 milljarða punda fjárfestingu í drónum og sjálfstýrðum kerfa á næstu fjórum árum. Þjóðaröryggi er efnahagslegt öryggi,“ segir Keir Starmer, fráfarandi forsætisráðherra Bretlands.
Keir Starmer, fráfarandi forsætisráðherra Bretlands, tilkynnti í dag að Bretland myndi verja tæplega 300 milljörðum punda, jafnvirði 51 þúsund milljarða króna, á næstu fjórum árum til að nútímavæða herafla sinn í ljósi vaxandi ógna.
Starmer, sem búist er við að láti af embætti í næsta mánuði eftir að hafa misst stuðning þingmanna Verkamannaflokksins, tilkynnti að heildarfjárveitingar til varnarmála myndu aukast um 15 milljarða punda á næstu fjórum árum. Hækkunin nemur jafnvirði 2.574 milljarða íslenskra króna.
Þetta kom fram þegar hann kynnti langþráða 10 ára fjárfestingaráætlun sína í varnarmálum.
Sótt annars staðar í kerfið
„Á síðasta ári tók ég þá ákvörðun í þágu þjóðarhagsmuna að endurforgangsraða útgjöldum til þróunaraðstoðar í þágu varnarmála og náði fram mestu aukningu í útgjöldum til varnarmála frá lokum kalda stríðsins,“ sagði Starmer í ræðu.
„Það var rétt ákvörðun því heimurinn hefur breyst. Þjóðaröryggi er efnahagslegt öryggi.“
„Í dag aukum við enn frekar útgjöld til varnarmála. …
