Þröstur Jónsson skrifar:

Margir kristnir Íslendingar hafa lengi gælt við það að einn af spádómur gamla testamentisins eigi eftir að rætast hér á landi:

„Sú þjóð, sem í myrkri gengur,
sér mikið ljós.
Yfir þá sem búa í landi náttmyrkranna,
skín ljós.“ [ Jesaja 9.1]

Þykir þar orðið náttmyrkur vísa til skammdegisins sem ríkir hér á landi stóran hluta ársins.
Flestir aðrir vilja meina að þessi spádómur sé þegar kominn fram og vísi til fæðingar Krists, enda er það áréttað stuttu seinn á Jesaja 9.5.
Allavega virðist ekki blása byrlega í þá átt að þessi spádómur rætist á Íslandi þessa dagana.

Þó flestir spádóma Jesaja séu komnir fram eru þó nokkrir ekki komnir fram. Einn þeirra sem hefur lengi valdið nokkrum heilabrotum virðist sem kominn fram á Íslandi; Jesaja 3:12 sem hljóðar svo:

„Þjóð mín. Smábörn þjaka hana
og konur ríkja yfir henni.
Þjóð mín. Leiðtogar þínir leiða þig afvega,
gera veginn sem þú gengur að villigötum“

Margir telja að umrædd smábörn vísi til smábarnalegar hugsunar, gerða og/eða veruleikaskyns. Það virðist nokkuð til í því hér á landi og má þar nefna yfirlýsingar í kosningabaráttu „valkyrjanna“ þegar þær framsettu hugmyndir um að banna nýskráningu bensín og díselbíla í ársbyrjun 2025, eða manískan ótta við Gilitruttarsöguna um Rússa, ljóta karlinn í austri, svo ekki sé nefnt nýorðið tilfinningflipp í kringum brottrekstur ráðherra.
Orð spámansins; „Smábörn þjaka hana“ gæti einnig átt við fóstureyðingar, en einmitt kona, fyrrverandi forsætisráðherra Katrín Jakobsdóttir reifaði þann möguleika að leyfa ætti að deyða barn í móðurkviði fram að fæðingu.

Fullyrðingin um að „konur ríkja yfir þjóðinni“ stenst fullkomlega hér á landi þegar litið er til megin-stofnana; forsetaembætti, framkvæmdavald, dómsvald, löggæsla, heilbrigðiskerfi, skólakerfi, dómsvald og jafnvel fleira.
Hér er ekki verið að segja að það sé endilega slæmt að kynjahallinn sé konum í vil þegar kemur að þessu, heldur einfaldlega verið að benda á staðreyndina sem komin er fram og lýst í spádómnum.

Síðari „Þjóð mín“ klausu spádómsins læt ég lesandanum eftir að velta fyrir sér hvort hún standist nútímann á Íslandi.

En eitt er víst að illa er komið fyrir Íslenskri þjóð ef þessi spádómur er að rætast á Íslandi eins og lesandinn getur kynnt sér með því að lesa níunda kafla Jesaja til enda.

Höldum í vonina bræður í Kristi (karlkyns sem kvenkyns) sem og þjóðin öll, að nú þegar sólin lækkar á lofti í landi náttmyrkranna, megi aftur skína ljós Jesú Krists.

Góðar stundir.

Höfundur er áhugamaður um kristna umbót í stjórnmálum