Atvikið átti sér stað nú á þriðja tímanum að sögn Hlyns Snorrasonar, yfirlögregluþjóns á Ísafirði. Lögreglan var með mikinn viðbúnað vegna tilkynningarinnar.
Tveir lögreglubílar, tveir sjúkrabílar og björgunarsveit fóru á vettvang en þegar þangað var komið reyndist bílstjórinn með minniháttar áverka og því fór betur en áhorfðist.
Bílstjórinn var fluttur á sjúkrahús til skoðunar og aðhlynningar.
Bíllinn er sagður gjörónýtur en tildrög slyssins liggja ekki fyrir að svo stöddu.
