„Sigríður Friðjónsdóttir er vanhæf til þess að vera ríkissaksóknari Íslands“ – Neitar að svara spurningum um alvarleg mál innan embættisins

Frosti gagnrýnir harðlega að ríkissaksóknari ætli engu að síður að áfrýja niðurstöðunni og segir það jafngilda því að gera misskilning refsiverðan. Hann bendir á að málið hafi þegar haft veruleg áhrif á viðkomandi lögreglumann, sem hafi verið frá störfum í langan tíma með sakamál hangandi yfir sér, með tilheyrandi fjárhagslegum og sálrænum afleiðingum.

Rifjar upp ósamræmi 

Í þættinum er málið tengt við eldri umfjöllun um starfshætti embættis sérstaks saksóknara og viðbrögð ríkissaksóknara við þeim upplýsingum. Frosti bendir á að Nútíminn hafi ítrekað óskað svara frá embættinu um hvort vitneskja hafi legið fyrir um óeðlileg eða ólögmæt vinnubrögð án þess að viðbrögð hafi borist.

Í frétt frá 29. desember 2025 kemur meðal annars fram:
„Ríkissaksóknari hefur enn ekki svarað fyrirspurnum Nútímans þrátt fyrir ítrekanir.“

Engin svör frá Ríkissaksóknara um meinta vitneskju um ólögmæta starfshætti sérstaks saksóknara

Sú umfjöllun byggir á viðtali við Jón Óttar Ólafsson, þar sem hann lýsir því að ósamræmi hafi verið á milli framburðar hans í yfirheyrslum árið 2012 og þeirra gagna sem síðar voru lögð fram í málinu og að ríkissaksóknari hafi haft vitneskju um það ósamræmi en kosið að hylma yfir það.

Voru upplýsingar hunsaðar?

Frosti vísar einnig til annarrar fréttar frá 18. desember 2025, um sama mál, þar sem fram kemur að Jón Óttar Ólafsson hafi upplýst ríkissaksóknara um meint ólögmætt samstarf embættis sérstaks saksóknara við einkaaðila, án þess að gripið hafi verið til aðgerða.

Í þeirri umfjöllun segir meðal annars:
„þeir hafi lýst fyrir Sigríði Friðjónsdóttur ferlum og atburðarrásum sem sýndu fram á að sérstakur hafi í mörgum tilfellum átt í ólögmætu samstarfi…“

Ríkissaksóknari hafi verið upplýstur um ólögmæta starfshætti sérstaks saksóknara – en ekkert aðhafst

Engin svör hafa borist frá embætti ríkissaksóknara.

Kallar eftir skýringum

Frosti segir það undarlegt að á sama tíma og ríkissaksóknari áfrýjar máli gegn lögreglumanni þar sem dómstóll hefur þegar komist að þeirri niðurstöðu að um mistök hafi verið að ræða, sé enginn vilji til að skoða mun alvarlegri ásakanir í eldri málum.

Hann segir mikilvægt að embættið útskýri afstöðu sína og hvernig slík mál hafi verið metin, sérstaklega í ljósi þess að um sé að ræða grundvallarspurningar um lögmæti rannsókna og aðgerða sem og traust á réttarkerfinu sjálfu.

Frosti heldur því svo fram að Sigríður Friðjónsdóttir sé einfaldlega vanhæf til að gegna starfi ríkissaksóknara Íslands.

Hægt er að sjá brot úr þættinum hér fyrir neðan en ef þú vilt sjá allan þáttinn geturðu tryggt þér áskrift að Brotkast.is hérna.