Sex börn sýrlensks tannlæknis og skákmeistara sem hefur verið saknað undanfarin 13 ár eru talin látin.
Þetta er niðurstaða nefndar þar í landi sem hefur verið falið það að rannsaka afdrif stjórnarandstæðinga Bashar al-Assad sem hurfu á meðan á stjórnartíð hans stóð.
Stjórnvöld í Sýrlandi réðust inn á heimili tannlæknisins og skákmeistarans, Rania al-Abbasi, árið 2013 og hefur ekkert spurst til hennar né eiginmanns hennar og sex barna þeirra síðan.
300.000 manns hafi horfið
Stjórnarskipti urðu í Sýrlandi árið 2024 og hefur nefndin allar götur síðan rannsakað afdrif þeirra sem hurfu í stjórnartíð Assads.
„Við höfum komist að þeirri áreiðanlegu og rökstuddu niðurstöðu að börnin sex séu nú látin,“ segir í tilkynningu frá nefndinni.
Segir nefndin vinnu enn standa yfir við að finna líkamleifar barnanna en sú vinna gengur að sögn nefndarinnar.
Telur nefndin að 300.000 manns hafi horfið í stjórnartíð Assads og að líkur séu á því að flestir þeirra séu nú látnir.
