Vladimír Pútín, leiðtogi Rússlands, átti um þriggja klukkustunda langan fund í Kreml í kvöld með bandarísku sendimönnunum Jared Kushner og Steve Witkoff um að binda enda á rúmlega fjögurra ára stríð við Úkraínu, áður en þeir heimsækja Kænugarð í fyrsta sinn á morgun.

Donald Trump, forseti Bandaríkjanna, hefur sagt að tengdasonur sinn, Kushner, og viðskiptafélagi hans, Witkoff, séu með „tillögu“ um að binda enda á átökin.

Viðræðunum lauk eftir rúmlega þrjár klukkustundir, eftir klukkan 23:00 í Moskvu.

Sendimennirnir eru væntanlegir til höfuðborgar Úkraínu á morgun í fyrsta sinn, þar sem Trump-stjórnin reynir að endurvekja viðræður undir forystu Bandaríkjanna til að binda enda á verstu átök Evrópu frá lokum síðari heimsstyrjaldar.

Bæði Rússland og Úkraína samþykktu að gera ekki árásir á höfuðborgir hvors annars í þrjá daga til að leyfa samningaviðræðunum að fara fram.

Í sjónvarpsviðtali áður en viðræðurnar hófust fyrir luktum dyrum þakkaði Pútín Trump fyrir að „hætta ekki“ …