Áhorfendur oddvitakappræðna á RÚV í kvöld geta kosið þá frambjóðendur sem þeim finnst standa sig best í gegnum RÚV-stjörnur.
Í kvöld fá oddvitar allra ellefu framboðanna í Reykjavík síðasta tækifærið til að ná til kjósenda. Útsending hefst klukkan 19:45 á RÚV og Rás 2 og ráðgert er að þær standi í rúmar tvær klukkustundir.
Áhorfendur geta valið þá þrjá oddvita sem þeim þykja standa sig best. Efsti oddvitinn fær þannig þrjú stig, næsti tvö stig og sá þriðji fær eitt stig.
Vinsældir oddvitanna í kappræðum fyrir alþingiskosningar 2024 gáfu vísbendingu um ríkisstjórnina sem mynduð var eftir kosningarnar. Hæstu einkunnina fékk Kristrún Frostadóttir, formaður Samfylkingarinnar. Þar á eftir kom Þorgerður Katrín Gunnarsdóttir, formaður Viðreisnar, og næst Inga Sæland, formaður Flokks fólksins. Þær mynduðu saman ríkisstjórn að loknum kosningum.
