Stuðningsmenn Donalds Trump Bandaríkjaforseta urðu bálreiðir þegar þeir lásu færslu frá leikaranum Ben Stiller á samfélagsmiðlum í gær.
Þar skrifaði leikarinn: „Kláraði þetta“ sem eins má lesa sem „kláruðum þetta“ (e. got it done).
Töldu stuðningsmenn forsetans, MAGA-liðar, að þarna væri leikarinn að vísa til skotárásar sem átti sér stað á hátíðarkvöldverði fréttaritara á Hilton-hótelinu í Washington.
Þingmaður Repúblikana, Nancy Mace, svaraði leikaranum og spurði: Kláraði hvað?
Fyrrum yfirmaður Kennedy Center, Richard Grenell, sagði: Hvað í fjandanum?
Aðrir MAGA-liðar létu í sér heyra.
„Sorrí Ben, en gaurinn þinn hitti ekki. Ég vildi óska að þín hlið myndi hætta að reyna að myrða fólkið sem þið eruð ósammála.“
„Tímasetningin á þessari færslu er frekar galin“
Fylgjendur leikarans reyndu þá að benda reiðum MAGA-liðum á að leikarinn hafi ekki verið að vísa til skotárásarinnar. Það væri augljóst af öðrum færslum sem leikarinn hafði birt þetta sama kvöld, en hann var að horfa á körfuboltaleik með uppáhaldsliði sínu, Knicks, sem sigruðu leik sinn við Hawks í gærkvöldi.
„MAGA-liðar eru svo vitlausir að þeir átta sig ekki á því að þú ert að tala um Knicks-leikinn,“ skrifaði einn og annar bætti við: „Ég held að kannski sé það fólkið hér í athugasemdum, sem veit ekki að færslan er um körfubolta, sem glímir við Trump-sturlun [e. Trump Derangement Syndrome].
Líklega hafa MAGA-liðar dregið of víðtækar ályktanir af færslunni þar sem Ben Stiller hefur ekki leynt því að hann er enginn aðdáandi forsetans.
