Bandaríski þróunarlíffræðingurinn og álitsgjafinn Colin Wright setur fram harða gagnrýni í grein sem hann skrifaði um Ashley Webb frambjóðanda Demókrataflokksins til öldungadeildarinnar í Maine, sem fæddist karlkyns en „skilgreinir sig“ sem konu. Hann segist jafnframt vera „intersex“ (einstaklingur fæddur með frávik í kynþroska eða kynþroskaþroskun, DSD).
Þrátt fyrir að litningagreining (karyotype) hafi sýnt að hann sé með XY-litninga, segist hann vera „nokkuð viss um að ég sé af XX-gerðinni.“ Hann telur sig einnig hafa „innri kvenkynfæri“, þótt tölvusneiðmyndir (CT/CAT-skannanir) hafi ekki sýnt nein slík líffæri.
Tilefni greinarinnar er að Webb lofar kjósendum í kosningamyndbandi að ljúga aldrei eða blekkja almenning. Wright telur þó að meginspurningin sé ekki hvort Webb segi vísvitandi ósatt, heldur hvort frambjóðandinn hafi raunhæft samband við veruleikann. Að mati Wright getur einstaklingur verið einlæglega sannfærður um eitthvað sem er hlutlægt rangt.
Sem dæmi nefnir Wright að Webb hafi í fjölda opinberra færslna sett fram afar óvenjulegar líffræðilegar staðhæfingar.
Webb heldur því meðal annars fram að hann hafi egglos og tíðir í hverjum mánuði, þrátt fyrir að hafa fæðst með ytri karlkyns kynfæri.
Samkvæmt Webb stafa mánaðarlegu blæðingarnar af því að falið kvenkyns æxlunarkerfi hafi myndað tengingu við ristilinn, þannig að tíðablóðið berist út um endaþarminn.
Wright bendir á að Webb hafi ekki lagt fram neina læknisfræðilega staðfestingu á þessum fullyrðingum. Þvert á móti eigi bæði ristilspeglanir og ítrekaðar tölvusneiðmyndir, samkvæmt frásögn Webb sjálfs, ekki að hafa sýnt hvorki leg, eggjastokka né þá líffærafræðilegu tengingu sem haldið er fram.
Wright notar þetta mál sem dæmi um að kjósendur ættu að veita dómgreind og veruleiksskynjun frambjóðenda athygli. Það er í sjálfu sér góð regla og kjósendur á Íslandi ættu að gera slíkt þegar kemur að kosningum hér á landi.
Jafnvel þótt Webb segi ekki vísvitandi ósatt vaknar sú spurning hvort einstaklingur, sem virðist vera svo langt frá því sem hægt er að staðfesta með gögnum og viðurkenndri líffræðilegri þekkingu, eigi yfirhöfuð að gegna einu valdamesta stjórnmálaembætti Bandaríkjanna.
Enn má vitna til Íslands, hér á landi gegna menn valdamiklum stöðum án þess að vera tengdir við veruleikann og segja ósatt, visvítandi eður ei.
Þessar fullyrðingar mannsins sýna hve trans hugmyndafræðin er langt frá veruleikanum og segir öllum vel þenkjandi fólki að það gangi ekki lengur að bera svona á borð fyrir almenning og börn í skólakerfi landsins.
Lesa má um málið hér: BREAKING: Male Senate Candidate Ashley Webb Says He Ovulates and Menstruates Through His Colon
Helga DÖgg Sverrisdóttir
