Efnahagslegur ávinningur „blasir við“
Hver er kostnaðurinn við Evrópusambandið og hvað myndum við fá til baka? Gylfi Magnússon, prófessor í hagfræði, fer yfir efnahagsleg áhrif af mögulegri aðild að Evrópusambandinu. Áætlað er að nettóframlag Íslands gæti verið á bilinu sex til 15 milljarðar á ári, en prófessorinn telur efnahagslegan ávinning meiri en útgjöldin.
Hver raunverulegur kostnaður og raunverulegur efnahagslegur ávinningur yrði ef Ísland myndi ákveða að verða aðili að Evrópusambandinu, ESB, er ekki alls ljós og virðast þó nokkrar breytur vera í spilinu. Nettóframlag Íslands gæti verið allt frá 6 til 15 milljarðar króna árlega til ESB, allt eftir útreikningum. Raunaukning yrði líklega um 2 til 7 milljarðar króna á ári. Á móti kemur að áætlað er að vextir lækki hér á landi sem og vaxtakostnaður ríkissjóðs en ekki er auðvelt að setja eiginlega tölu á mögulegan ávinning af aðild Íslands að ESB.
„Það eiginlega blasir við að það væri á heildina litið efnahagslegur ávinningur fyrir land og þjóð,“ segir Gylfi Magnússon, prófessor í hagfræði við Háskóla Íslands, þegar Heimildin spyr hvort aðild að ESB myndi þýða efnahagslegt tap eða ávinning fyrir Ísland. „Auðvitað dreifist hann [ávinningurinn] ekki jafnt og hluti af andstöðunni við inngönguna er auðvitað frá hópum og þrýstiöflum sem sjá …
