Arnhildur Pálmadóttir arkitekt var útnefnd borgarlistamaður Reykjavíkur árið 2026 á hátíðlegri athöfn í Höfða í dag.
Arnhildur hefur vakið athygli fyrir framsæknar hugmyndir í arkitektúr, sérstaklega hvað varðar sjálfbærni, nýtingu auðlinda og framtíð byggingariðnaðarins, og verk hennar snúa oft að því hvernig hægt sé að byggja umhverfisvænni borgir og byggingar.
Hún hlaut Umhverfisverðlaun Norðurlandaráðs árið 2024 og ári seinna var hún sýningarstjóri íslenska skálans á Feneyjatvíæringnum í arkitektúr.
Borgarlistamaður Reykjavíkur er heiðursviðurkenning einstaklings sem hefur skarað fram úr með sköpun og markað spor í íslenskri list.
