Pakistanski fræðimaðurinn Muhammad Taqi Usmani, sem hélt fyrirlestur í Stórmoskunni á Íslandi 21. október, hitti Khaled Mashal og Ismail Haniyeh, æðstu leiðtoga Hamas, í Doha í Katar samkvæmt fréttum pakistönsku miðlanna Aaj TV og MM News frá 27. desember 2023.
Nútíminn greindi frá Íslandsheimsókninni 25. október. Usmani var dómari í sjaríadeild Hæstaréttar Pakistans á árunum 1982-2002. Fyrirlesturinn fór fram í moskunni í Skógarhlíð í Reykjavík miðvikudaginn 21. október.
Greindu frá fundi í Doha
Aaj TV kallar Usmani stórmúfta Pakistans. MM News lýsir honum sem forseta Darul Uloom Karachi og Wifaq ul Madaris og segir frétt sína byggða á færslu á X.
Samkvæmt Aaj TV hafði Usmani eftir 7. október ekki aðeins tilkynnt um umfangsmikinn fjárstuðning við Hamas heldur einnig ítrekað gefið út fatwa, trúarlegan úrskurð, um að leiðtogar múslimaríkja ættu sameiginlega að beita hervaldi gegn Ísrael.
Spyr um þátttöku bresks þingmanns
Usmani flutti eitt opnunarávarpa á 5. AlBaraka-ráðstefnunni um íslömsk fjármál á JW Marriott Grosvenor House í London 13.-14. október 2026, samkvæmt fréttatilkynningu PR Newswire. Hann ræddi vexti, riba, og spákaupmennsku í fjármálakerfum. Sama dag stýrði Shockat Adam, óháður þingmaður Leicester South, pallborði um stefnu og regluverk.
Emma Schubart hjá hugveitunni Henry Jackson Society vísaði til ráðstefnunnar og fundarins í Katar í færslu á X mánudagsmorguninn 26. október. Hún spurði meðal annars, í íslenskri þýðingu:
„Hvers vegna var Usmani, sem er pakistanskur, hleypt inn í Bretland? Hvers vegna deildi breskur þingmaður sviði með honum?“
Shockat Adam, a sitting MP, recently appeared at a London event with Mufti Muhammad Taqi Usmani, who in Dec 2023 met with Hamas leaders Khaled Mashal & Ismail Haniyeh in Qatar.
1. Why was Usmani (Pakistani) allowed to enter the UK?
2. Why did a UK MP share a stage with him?
— Emma Schubart (@ESchubart) October 26, 2026
Usmani kom til Íslands rúmri viku eftir ráðstefnuna í London.
