Ursula von der Leyen, forseti framkvæmdastjórnar Evrópusambandsins, hefur kallað eftir auknum völdum sambandsins á sviði öryggismála, félagslegrar stýringar og hervæðingar. Jafnframt tilkynnti hún um hertar aðgerðir gagnvart Rússlandi, og veitti Kanada sérstöðu með einhliða ákvörðun, allt í ræðu sinni um stöðu sambandsins – þeirri sjöttu í röðinni.

Meðal helstu tillagna má nefna:

• Nýtt öryggisfyrirkomulag sem nær út fyrir ESB og tekur til Bretlands og Kanada
• Aukna hervæðingu ESB og einhliða tilfærslu ónýttra lánsfjármuna til Kænugarðs
• Hóp á vegum sambandsins sem einbeitir sér að birgðasöfnun mikilvægra steinefna og sjaldgæfra jarðefna
• Fjölgun starfsmanna ESB í Brussel
• Endurvakningu kjarnorkuorkuframleiðslu, þrátt fyrir að hún hafi áður haft umsjón með því að leggja þann iðnað niður
• Viðamiklar fjárfestingar í gervigreind og nauðsynlegu orkuneti til að styðja við hana
• Löggjöf ESB sem takmarkar aðgang barna að samfélagsmiðlum, auka ritskoðun af hálfu sambandsins og eigin net-teymis

Í viðurvist Mark Carney, forsætisráðherra Kanada – fyrrum seðlabankastjóra Englands og táknmyndar andstöðu við Trump – tilkynnti von der Leyen einhliða að Kanada fengi stöðu „tengiaðila“ (e. Associate Membership); stöðu sem hefur enga lagalega skilgreiningu.

Samkvæmt Financial Times í morgun hafði Carney vonast eftir meiru.

Hún lagði hvorki fram lausnir á orkukreppunni sem herjar á sambandið né á kostnaðarkreppunni sem lamar neytendur nú þegar sambandið stendur frammi fyrir vetrinum.