Donald Trump Bandaríkjaforseti hefur þakið Ísland með bandaríska fánanum í nýrri færslu á samfélagsmiðli sínum, Truth Social. Trump hefur áður gert það sama með Venesúela og Grænland.

Í færslunni sést Grænland, Kanada, Mexíkó og Kúba, meðal annarra ríkja, þakið fánanum. 

Eftir að Trump merki Venesúela fánanum réðst hann inn í landið og lét handataka forseta þess, Niculas Maduro, í byrjun janúar. 

Skömmu síðar birti eiginkona Stephens Miller, hægri handar Trumps,mynd af Grænlandi undir bandaríska fánanum. Eftir það tvíefldist Trump í tilraunum til að komast yfir Grænland og innlima það í Bandaríkin.

Trump hefur lagt fram svokallaða „Donroe-kenningu“, sem byggir á Monroe-kenningunni frá 19. öld, um að nágrannaríki heyri undir áhrifasvið Bandaríkjanna en ekki Evrópu. Nú virðist hann hafa skilgreint Ísland meðal þeirra.

Íslendingar höfnuðu því í lok síðasta mánaðar að hefja aðildarviðræður við Evrópusambandið, en Trump hefur ekki tjáð sig um niðurstöðuna.

Trump stefnir opinberlega að stjórnarskiptum á Kúbu og hefur ekki útilokað innrás í eyjuna.

Ísland er með tvíhliða varnarsamning við Bandaríkin sem veitir þeim réttindi til viðbúnaðar hér á landi.

Samningurinn var uppfærður í tíð Guðlaugs Þórs Þórðarsonar utanríkisráðherra, án opinberrar umræðu.