Ute Krüger, þýskur læknir og meinafræðingur með áratuga reynslu af rannsóknum á brjóstakrabbameini var gestur í Spjallinu með Frosta Logasyni. Þar segir að hún hafi farið að sjá óvenju árásargjörn krabbamein hjá sjúklingum eftir að Covid 19 bólusetningar hófust árið 2021.
Krüger starfaði við brjóstameinagreiningu frá 2005 til 2023, meðal annars við Háskólann í Lundi í Svíþjóð. Hún segir að haustið 2021 hafi hún tekið eftir því að yngri konur væru að greinast með stærri æxli en áður sem einnig dreifðu sér hraðar.
„Fjögurra sentimetra æxli voru ekki óalgeng. Áður þótti tveggja sentimetra æxli stórt,“ segir hún.
Hún lýsir meðal annars tilfelli 55 ára konu sem hafi greinst með 13 sentimetra brjóstakrabbamein nokkrum vikum eftir seinni bólusetningu sína.
Segir kollega hafa hunsað áhyggjur sínar
Krüger segir að hún hafi tilkynnt tilfelli sem hún tald verai mögulegar aukaverkanir til sænskra yfirvalda, en að samstarfsfólk hennar hafi ekki viljað fylgja því eftir.
„Kollegar mínir sögðu að þetta væri tímasóun og að ég ætti að einbeita mér að greiningum,“ segir hún.
Hún heldur því fram að hún hafi séð tilfelli ungs fólks með alvarlega sjúkdóma eftir bólusetningar, þar á meðal var 16 ára stúlka sem lést og 19 ára íþróttamaður sem hafi greinst með lungnakrabbamein.
Krüger segir einnig að hún hafi fundið vísbendingar um hjartavöðvabólgu hjá konu sem hafði fengið Covid bólusetningu og henni hafi verið bannað að skrá málið sem mögulega aukaverkun af bólusetningunni.
Telur heilbrigðiskerfið ekki taka langvinn veikindi alvarlega
Hún gagnrýnir einnig heilbrigðiskerfið og segir það henta vel fyrir bráðatilfelli en ekki fyrir fólk með langvinna sjúkdóma eða mögulegar aukaverkanir vegna bólusetninga.
Hún heldur því líka fram að dánartíðni Covid 19 hafi reynst mun lægri en talið var í upphafi faraldursins og máli sínu til stuðnings vísar hún í rannsókn frá Þýskalandi sem hún segir hafa sýnt hátt hlutfall alvarlegra aukaverkana eftir mRNA bólusetningar.
Krüger verður meðal fyrirlesara á ráðstefnu sem haldin verður á Reykjavík Natura fimmtudaginn 7. maí.
Brot úr viðtalinu má sjá hér fyrir neðan en ef þú vilt sjá allan þáttinn geturðu tryggt þér áskrift að Brotkast.is hérna.
