„Því miður virðist ekki vera meiri samkeppni en þetta“
Vaxtamunur, einn helsti mælikvarði á álagningu bankanna, hefur hækkað og er mun hærri en á Norðurlöndum. Formaður Neytendasamtakanna hvetur Samkeppniseftirlitið til að skoða hvort þögult samráð bankanna sé til staðar.
Vaxtamunur íslensku bankanna gefur til kynna skort á samkeppni. Á sama tíma og hagrætt er í rekstri eykst gjaldtaka, sem sýnir að sparnaðurinn skilar sér ekki til neytenda. Þetta er mat Breka Karlssonar, formanns Neytendasamtakanna.
Landsbankinn birti uppgjör vegna fyrri hluta ársins á dögunum en þar kom fram að vaxtamunur, það er munurinn á útlánsvöxtum bankans og innlánsvöxtum, hefði hækkað í 3,4%. Á sama tímabili í fyrra var hann 2,9%.
Í uppgjöri Íslandsbanka vegna annars ársfjórðungs má sjá að vaxtamunur á fjórðungnum var 3,4% miðað við 3,3% sama fjórðung árið áður. Hjá Arion banka var vaxtamunurinn 3,5% á fjórðungnum, óbreyttur frá sama tímabili ári áður.
Sveiflurnar voru sagðar að mestu tengjast verðbólguáhrifum en verðbólga hefur haldist yfir 5% á ársgrundvelli frá upphafi árs, sem skýrist að hluta af áhrifum stríðsins í Íran. Ríkisstjórnin brást við með lækkun virðisaukaskatts á eldsneyti til að stemma …
