Sjálfstæðisflokkurinn í Kópavogi grunaður um lögbrot
Sjálfstæðisflokkurinn í Kópavogur hefur birt myndband á samfélagsmiðlum sem talið er brjóta gegn kosningalögum en DV greindi fyrst frá málinu.
Málið hefur verið tekið til skoðunar hjá kjörstjórn sveitarfélagsins, en engin ákvörðun liggur enn fyrir.
Í myndbandinu, sem ber heitið „Nýtum kosningaréttinn“, sést Sjálfstæðiskonan Elísabet Sveinsdóttir, forseti bæjarstjórnar, útskýra hvernig kjósa má utan kjörfundar hjá sýslumanni. Hún fer inn á skrifstofu þar sem starfsmaður bendir á að myndatökur séu bannaðar, en upptakan heldur þó áfram. Þar má meðal annars sjá kjörseðil merktan flokknum og hvernig atkvæði er sett í kjörkassa.
Samkvæmt kosningalögum er óheimilt að stunda kosningaáróður eða trufla framkvæmd kosninga á kjörstöðum.
„Kjörstjóri skal sjá til þess að á kjörstað og í næsta nágrenni hans fari hvorki fram óleyfilegur kosningaáróður eða kosningaspjöll né önnur starfsemi sem truflar eða hindrar framkvæmd kosninga. [Að fengnum tillögum landskjörstjórnar skal ráðherra setja reglugerð 1) um óleyfilegan kosningaáróður í nágrenni kjörstaða, kosningaspjöll og aðra starfsemi sem truflar eða hindrar framkvæmd kosninga.] 2)“
Kjörstjórn hefur staðfest að málið sé til skoðunar.
