Seldu Ljóma smjörlíki og Ömmu flatkökur og ætla í golf
Guðjón Rúnarsson, stofnandi Kjarnavara og skattakóngur í Kópavogi, seldi fyrirtækið sitt til Ölgerðarinnar í fyrra. Vilhjálmur Þorláksson, stofnandi Gæðabaksturs, gerði hið sama. Báðir fylgja rekstrinum eftir á nýjum vettvangi en stefna svo á að setjast í helgan stein.
Fjórði tekjuhæsti skattgreiðandi Íslands í fyrra var Guðjón Rúnarsson, stofnandi og framkvæmdastjóri Kjarnavara. Árstekjur hans upp á 1.550 milljónir króna, sem að stórum hluta eru fjármagnstekjur, gera hann að skattakóngi í Kópavogi.
Í samtali við Heimildina segir Guðjón að fjármagnstekjurnar séu tilkomnar vegna sölu hans á Kjarnavörum til Ölgerðarinnar. „Það er ekkert öðruvísi,“ segir hann. „Þetta datt ekki af himnum ofan neitt.“
Guðjón, sem nú er 69 ára, stofnaði Kjarnavörur ásamt fleirum árið 1989. „Ég byggði þetta upp frá engu, frá núlli, eða sennilega mínus þegar maður byrjaði,“ segir hann.
„Ég byggði þetta upp frá engu, frá núlli, eða sennilega mínus“
Aðspurður hvort reynt hafi á í rekstrinum í upphafi segist hann ekki muna eftir því. „Aldrei í mínum huga þó eflaust hafi það verið þannig,“ segir hann. „Annars hefði maður ekki haldið áfram.“
Tilkynnt var um kaup Ölgerðarinnar á Kjarnavörum í febrúar …
