Samfylkingin klofnar vegna brottfararstöðvar: Hvað annað átti að gera?
Þingnefndin sem fjallaði um nýsamþykkta brottfararstöð fékk ábendingar og hugmyndir að minnst tíu öðrum leiðum sem hægt væri að fara en að setja börn í lokað úrræði í brottfararstöð. Samfylkingin virðist klofin í afstöðu sinni til málsins þó að þinglið flokksins hafi hreykt sér af samþykkt laganna.
Samfylkingin virðist klofin gagnvart nýsamþykktum lögum um brottfararstöð fyrir hælisleitendur sem stendur til að senda úr landi. Athygli vakti þegar opið bréf fjölda áhrifafólks í flokknum birtist á Vísi undir yfirskriftinni „Ekki í okkar nafni“.
Þingflokkur Samfylkingarinnar virðist þó standa heilshugar á bak við lögin, og bendir á í umræðum við félaga sína að þau komi í veg fyrir að börn séu aðskilin foreldrum sínum áður en senda á þau úr landi. Eitthvað sem hafi tíðkast í fyrri framkvæmd.
Meðal þeirra sem gagnrýnt hafa Samfylkinguna fyrir lögin er Oddný Harðardóttir, fyrrverandi formaður flokksins og ráðherra í ríkisstjórn Jóhönnu Sigurðardóttur, og Björgvin G. Sigurðsson, fyrrverandi ráðherra úr ríkisstjórn Geirs Haarde.
Ein þeirra sem svarar þeim báðum á samfélagsmiðlum er Margrét Sigrún Björnsdóttir, fyrrverandi formaður framkvæmdastjórnar flokksins, sem spyr: hvað eiga stjórnvöld að gera konkret gagnvart hælisleitendum?
Bentu á minnst tíu aðrar leiðir
Fjölmargir umsagnaraðilar gerðu alvarlegar athugasemdir við frumvarpið þegar …
