Reykjavíkurborg og fyrirtæki hennar skiluðu 5,5 milljarða króna tapi á fyrstu sex mánuðum ársins. Í fjárhagsáætlun hafði hins vegar verið gert ráð fyrir 6,7 milljarða króna rekstrarafgangi og er niðurstaðan því um 12,2 milljörðum lakari en áætlað var.

Þetta kemur fram í árshlutareikningi Reykjavíkurborgar fyrir janúar til júní, sem afgreiddur var í borgarráði í dag. Í tilkynningu frá borginni er haft eftir Hildi Björnsdóttur að niðurstöðurnar sýni glöggt hve mikilvægt sé að ná stjórn á rekstri borgarinnar.

„Enda er ekkert sem ógnar grunnþjónustunni meira en óábyrgur rekstur. Við höldum áfram vinnunni í hagræðingarhóp og leggjum áherslu á að auka skilvirkni, draga úr sóun og bæta þjónustuna,“ er haft eftir borgarstjóranum.

Niðurstaðan á fyrri hluta árs er jafnframt mun verri en á sama tímabili í fyrra. Rekstrarniðurstaða samstæðu borgarinnar, A- og B-hluta, var 10,6 milljörðum króna lakari en á fyrri helmingi ársins 2025.

Daglegur rekstur gekk þó betur. Rekstrarafkoma fyrir …