PISA-rannsóknin afhjúpar hörmungina
Helga Dögg Sverrisdóttir skrifar:
Helmingur nemenda með innflytjendabakgrunn í Danmörku lærir svo lítið að þeir eiga erfitt með að fóta sig í samfélaginu. Þegar það gerist í Danmörku mun það gerast hér á landi með sama áframhaldi. Nú þegar erum við á sömu leið og Danir.
Íslendingar eru ekki klárari en aðrar þjóðir þegar kemur að innflytjendamálum og því mun sagan endurtaka sig hér á landi og verður kannski mun verri. Þetta hefur raungerst í sumum skólum á landinu.
Í Danmörku
Niðurstöður PISA-rannsóknarinnar var birt á dögunum. Niðurstöðurnar sendu hroll um danska grunnskóla- og stjórnmálakerfið. Rannsóknin sýnir að námsárangur nemenda hefur aldrei verið verri.
Fimmtán ára unglingar eru slakari í lestri, reikningi og ritun. Í reynd mun slakari. Og, staðan var slæm fyrir. Íslendingar eru í enn dýpri kreppu en Danir, svo það sé sagt.
Mikill fjöldi nemenda kemur oft of seint og skrópar óhugnanlega marga daga. Þeir svindla í stórum stíl með því að nota gervigreind. Þeir sýna minni áhuga á að læra eitthvað nýtt og afla sér þekkingar á því hvernig hlutirnir virka.
Þeir eru órólegir og hlusta ekki á kennarana. Þeir horfa á og nota símana og tölvur, tala við hina nemendurna og ganga um í kennslustofunni. Allt með blessun kennara og stjórnenda.
Á undanförnum árum hafa verið birtar ýmsar rannsóknir sem sýna þessa sömu hræðilegu þróun.
Stjórnmálamennirnir
Í hvert sinn bregðast margir stjórnmálamenn, og aðrir, við eins og þessar sláandi upplýsingar séu alveg nýjar. Þannig var það líka núna. Sama leikrit og hér á landi.
Meðaltal í stærðfræði, lestri og náttúrufræði hefur náð algjöru lágmarki. Á heildina litið er um að ræða lægsta árangur í Danmörku í sögu PISA-rannsóknarinnar.
Staðan er orðin svo slæm að heil 28 prósent nemenda kunna og vita í dag svo lítið að PISA-rannsóknin setur þá í flokkinn „nemendur með lítinn námsárangur“ í lestri, stærðfræði og náttúrufræði.
PISA skilgreinir „nemendur með lítinn námsárangur“ sem ungt fólk sem skortir þá grunnfærni sem þarf til að komast áfram í lífinu. Margir nemendur læra svo lítið að þeir munu eiga erfitt með að stunda nám eða fá vinnu þegar þeir yfirgefa skólann. Þvílík vanræksla.
Við stöndum því frammi fyrir hópi 15 ára nemenda í 9. bekk (10.bekk á Íslandi) sem er á leið út úr skólanum án mikilla möguleika á að afla sér menntunar og jafnvel án þess að fá vinnu.
Þetta eru gríðarleg mistök.
Nemendur með innflytjendabakgrunn standa sig mun verr en danskir nemendur
Staðan er sérstaklega slæm hjá nemendum með innflytjendabakgrunn. Í þeim hópi er það næstum helmingur sem telst vera með lítinn námsárangur.
Það þýðir að helmingur nemenda með innflytjendabakgrunn, sem eru á leið út úr skólanum, á erfitt með að fóta sig í samfélaginu, hvað þá að ljúka námi.
Nemendur með innflytjendabakgrunn standa sig mun verr en danskir nemendur. Meðal danskra nemenda — það er nemenda án innflytjendabakgrunns — eru „aðeins“ 20–24% þeirra í hópi nemenda með léllegan námsárangur.
Hlutfallið meðal nemenda með innflytjendabakgrunn er 46–48%.
Meðal nemenda með innflytjendabakgrunn standa drengirnir sig verr en stúlkurnar.
„Ef nemendum er skipt eftir bæði innflytjendabakgrunni og kyni er sá hópur sem að meðaltali nær lægsta stigafjölda drengir með innflytjendabakgrunn,“ segir í skýrslunni.
Hin pólitískt réttu bera mikla ábyrgð
Í dag stöndum við frammi fyrir grunnskólakerfi sem er í djúpri kreppu. Grunnskólinn hefur verið ofvæddur stafrænum lausnum — og það hefur gerst allt of hratt. Sömu sögu má segja á Íslandi. Nemendum vorur réttar spjaldtvölur og sagt að uppgötva eigin þekkingu.
Danskir grunnskólanemendur fá meiri stafræna kennslu en nemendur í nánast öllum öðrum löndum. Nokkrir sérfræðingar segja þetta vera mikilvæga skýringu á minnkandi getu þeirra til að lesa og reikna. „Uppeldisfræðilega framvarðasveitin ætti að skammast sín,“ segir prófessor í Kristeligt Dagblad.
Þessi stafræna væðing skapar sérstaklega vandamál fyrir nemendur sem eiga erfitt með að einbeita sér og fylgjast með. Það er einnig mikil vanræksla að á sjöunda áratugnum hafi verið farið að gera skólann óvinsælan.
Á þeim tímum var menning í skólakerfinu sem byggðist á:
-
- sterkri stjórnun,
- hæfum kennurum með vald og virðingu,
- aga,
- prófum,
- einkunnum,
- kröfum til nemenda og afleiðingum fyrir þá sem stóðust ekki kröfurnar.
Ef nemendur komu of seint eða voru ókurteisir gátu þeir þurft að sitja eftir. Þá hætti slíkur hegðunarvandi. Hvers vegna gerist þetta ekki í dag?
Þessi afstaða til kennslu er í dag að miklu leyti viðhaldið í einkaskólum. Afleiðingin er sú að nemendur í einkaskólum eru heilu ári á undan jafnöldrum sínum í almennum grunnskólum.
Skóli með skýrar kröfur og afleiðingar væri einnig skóli þar sem nemendur með innflytjendabakgrunn myndu standa sig mun betur.
Margir hafa rætt einkaskóla á Íslandi og miðað við útkomuna í PISA og ástandið í mörgum grunnskólum horfa sennilega enn fleiri til þessa. Það er fjárfesting að mennta barnið sitt í góðum skóla.
Námsstigið er dregið niður
Eins og staðan er nú draga innflytjendur almennt niður námsstigið.
Fyrrverandi framhaldsskólakennari skrifar til Den Korte Avis:
„Lágt námsstig nemenda með innflytjendabakgrunn hefur áhrif á kennsluna almennt. En ekki nóg með það. Námsstigið í kennslunni er lækkað í árangurslausri tilraun til að fá þá með, og það er samþykkt að þeir trufli kennsluna fyrir danska nemendur sem eru komnir til að læra — sérstaklega í framhaldsskólum.” Á Íslandi höfum við heyrt um svona háttarlag.
Þar að auki beita þeir stöðugt einstaklingsbundnum þrýstingi til að fá hærri einkunn, sem oft ber árangur. Á kennarafundi um tiltekinn bekk munu aðrir kennararnir taka eftir því að ákveðinn nemandi fær skyndilega aðeins hærri einkunn í ákveðinni námsgrein, og það getur auðveldlega smitast út frá sér.“
Menn hafa vitað af þessu í mörg ár. Þetta er sagt við hverja PISA-rannsókn sem kemur út og aðrar rannsóknum. En kreppan hefur aðeins dýpkað.
Þeir pólitískt ,,réttu,” sem bera höfuðábyrgð á fjöldainnflutningi frá löndum utan Vesturlanda, bera einnig mikla ábyrgð á því að danski grunnskólinn er kominn í djúpa kreppu.
