Olíuverð hefur fallið um rúm 7% það sem af er degi. Verð á Brent-hráolíu stendur í um 85 dölum á tunnu og hefur ekki verið lægra í rúman mánuð.
Nóttin í nótt var sú þriðja í röð þar sem ekki bárust fregnir af árásum milli Bandaríkjanna og Írans.
Í síðustu viku fór verð á Brent-hráolíu í 100 bandaríkjadali á tunnu. Ástæðan var stigmagnandi átök í Mið-Austurlöndum og röskun á olíuflutningum um Hormússund.
