Meint hryðjuverkasamsæri hægri öfgamanna sem sagt var beinast gegn fjölmennri samkomu múslima í Suffolk á Englandi reyndist ekki leiða til einnar einustu ákæru sem tengdist ógninni.
Breska hryðjuverkalögreglan handtók alls 13 einstaklinga, leitaði á heimilum þeirra og í bifreiðum og lagði hald á meira en 35 síma, tölvur og önnur stafræn tæki.
Eftir umfangsmikla rannsókn viðurkennir lögreglan nú að engin sönnunargögn hafi fundist sem bendi til að samsærið hafi verið skipulagt eða styðji ákæru á hendur nokkrum einstaklingi vegna þessarar meintu ógnar gegn samkomunni.
Einn maður var ákærður fyrir að hafa kylfur og rafbyssu sem fundust á heimili hans við húsleit . Lögregla tekur þó sérstaklega fram að sú ákæra tengist hvorki viðburðinum né hinni meintu hryðjuverkaógn.
Ráðherrar sögðu handtökurnar hafa bjargað mannslífum
Málið hófst þegar lögregla sagðist hafa fengið upplýsingar um alvarlega ógn gegn UK Ijtema, íslömskum trúarviðburði sem haldinn var við Shrubland Hall nálægt Ipswich.
Um 15.000 manns sóttu samkomuna en henni var lokað fyrr en áætlað var eftir ráðleggingar lögreglu.
„Helen Flanagan, yfirmaður hryðjuverkalögreglunnar í London, viðurkenndi að umfangsmikil rannsókn hefði ekki skilað neinum gögnum sem styddu við ákærur vegna hinnar meintu ógnar eða að ógnin hefði verið raunveruleg“
Tólf einstaklingar voru handteknir á sunnudag og mánudag og sá þrettándi á fimmtudag. Átta mannanna voru handteknir samkvæmt sérstökum heimildum hryðjuverkalaga.
Þegar í stað var tilkynnt opinberlega að um væri að ræða alvarlega og trúverðuga ógn frá hægri öfgamönnum.
Keir Starmer forsætisráðherra sagði að um skelfilegar fréttir væri að ræða og sagði að um væri að ræða alvarlega ógn gegn íslömskum viðburði.
Shocking news that Counter Terrorism Police are investigating a credible, serious threat targeted at an Islamic event in Suffolk.
Thanks to the quick action taken by police and the organisers, nobody was hurt.
My message is clear: I will not tolerate any attacks on our Muslim…
— Keir Starmer (@Keir_Starmer) July 13, 2026
Shabana Mahmood innanríkisráðherra gekk enn lengra og sagði að handtökurnar hefðu „án efa bjargað mannslífum“.
This weekend’s Ijtima in Barham was due to be attended by over 10,000 Muslims.
Instead, it ended early after a credible extreme right-wing terrorism-related threat to the lives of those present.
Twelve individuals have now been arrested as part of an investigation led by… pic.twitter.com/bR6Dd8caQd
— Shabana Mahmood MP (@ShabanaMahmood) July 13, 2026
Nú, eftir húsleitir, yfirheyrslur og rannsókn á tugum stafrænna tækja, hefur enginn verið ákærður fyrir að hafa undirbúið árás, hótað viðburðinum eða framið annað hryðjuverkabrot.
Engin gögn fundust um hina meintu ógn
Fjórir hinna handteknu voru látnir lausir gegn tryggingu á þriðjudag. Á laugardag tilkynnti lögregla að átta menn til viðbótar hefðu verið látnir lausir án ákæru.
Sá tólfti var svo látinn laus í dag.
Helen Flanagan, yfirmaður hryðjuverkalögreglunnar í London, viðurkenndi að umfangsmikil rannsókn hefði ekki skilað neinum gögnum sem styddu við ákærur vegna hinnar meintu ógnar eða að ógnin hefði verið raunveruleg.
„Við höfum unnið að umfangsmikilli rannsókn en á þessari stundu höfum við ekki fundið nein sönnunargögn sem styðja að nokkur verði ákærður fyrir brot sem tengist hinni meintu ógn,“ sagði hún.
„Niðurstaðan hefur vakið spurningar um hversu traustar upplýsingarnar voru sem urðu tilefni handtakanna og hvers vegna stjórnmálamenn fullyrtu opinberlega að mannslífum hefði verið bjargað áður en rannsókn hafði leitt í ljós hvort raunverulegt samsæri væri fyrir hendi“
Hún sagði rannsókninni þó ekki lokið og að lögregla myndi grípa til aðgerða ef upplýsingar um raunverulega hættu eða refsiverð brot kæmu fram.
Ákæran tengist ekki meintum hryðjuverkum
Við húsleit fann lögregla kylfur og rafbyssu hjá 42 ára manni. Hann var ákærður fyrir tvö brot vegna vörslu árásarvopna og eitt brot vegna vörslu rafbyssu. Hann verður í gæsluvarðhaldi þar til hann kemur fyrir dómara í Reading.
Lögregla segir hins vegar ekkert benda til þess að vopnin tengist UK Ijtema, meintri árásaráætlun eða hinni svokölluðu ógn hægri öfgamanna .
Ákæran breytir því ekki þeirri staðreynd að enginn hinna 13 handteknu hefur verið ákærður fyrir brot sem tengist hryðjuverkum.
Fyrirsagnir í æsifréttastíl
Niðurstaðan hefur vakið spurningar um hversu traustar upplýsingarnar voru sem urðu tilefni handtakanna og hvers vegna stjórnmálamenn fullyrtu opinberlega að mannslífum hefði verið bjargað áður en rannsókn hafði leitt í ljós hvort raunverulegt samsæri væri fyrir hendi.
Gagnrýnendur hafa bent á að frásögnin hafi á örfáum dögum þróast frá því að vera meint alvarlegt hryðjuverkasamsæri yfir í mál þar sem engin áform um hryðjuverkaárás eru staðfest, enginn er ákærður fyrir hryðjuverk, hótanir eða undirbúning árásar.
Lögregla hefur ekki greint frá því hvaða gögn bentu upphaflega til þess að um „trúverðuga og alvarlega“ ógn væri að ræða.
Eftir 13 handtökur, leitir á heimilum og í bifreiðum og rannsókn á meira en 35 símum og tölvum stendur því lítið eftir af þeirri dramatísku mynd sem máluð var í upphafi.
Viðburðurinn sjálfur tengdur umdeildri hreyfingu
UK Ijtema tengist alþjóðlegu trúboðshreyfingunni Tablighi Jamaat.
Hreyfingin segist vera friðsamleg og ópólitísk en starfsemi hennar hefur verið bönnuð eða takmörkuð í nokkrum ríkjum.
Saudi arabísk yfirvöld hafa sagt hreyfinguna hættulega fyrir samfélagið og lýst henni sem eins konar fyrsta skrefi í innleiðingu inn í hryðjuverkastarfsemi. Rússnesk yfirvöld hafa einnig bannað starfsemi hennar.
Þrátt fyrir þetta beindist opinber umræða í Bretlandi fyrst og fremst að meintum hægri öfgamönnum sem áttu að hafa ógnað samkomunni. Rannsókn lögreglu hefur enn ekki sýnt fram á að slíkt samsæri hafi verið fyrir hendi.
Þær upphrópandi um yfirvofandi hægri öfga hryðjuverkaárás, sem ráðherra sagði að hefði verið stöðvuð með handtökum sem „án efa björguðu mannslífum“, hafa því að minnsta kosti enn sem komið er reynst vera innihaldslausar með öllu.
