Jón Magnússon skrifar:

Burnham forsætisráðherra Breta hefur ítrekað haldið því fram, að Rússar hafi haft úrslitaáhrif á Brexit. Talsmenn MI6 segja ekkert hæft í þessu. Samt heldur Burnham uppteknum hætti. Sama heilkennið og hjá Hillary Clinton sem hélt afgerandi áhrifum Rússa sem réðu því að Trump var kosinn.

Þó máttur Rússa sé e.t.v. mikill, þá er hann algjörlega ofmetinn af Burnham og hans nótum. Þáverandi Bandaríkjaforseti, Obama, beitti sér heldur betur gegn Brexit og hafði í hótunum við Breta ef þeir samþykktu að ganga úr ESB. ESB og aðildarríki ESB beittu sér einnig gegn Brexit. Staðhæfingarnar um afskipti Rússa og áhrif sjást hvergi þó að vinstri sinnaðir ESB sinnar velji að halda því ranglega fram.

Þorgerður Katrín Gunnarsdóttir fetar í fótspor Burnham og hefur vísað til þeirra Ólafs Ragnars Grímssonar og Hannesar Hólmsteins Gissurarsonar sem og ónefndra Miðflokksmanna sem taglhnýtinga og málpípa Rússa. Stjórnmálamaður sem er kominn á þann stað gæti í framhaldinu tileinkað sér rökleysu Burnham varðandi þjóðaratkvæðagreiðsluna.

Allt er jú hey í harðindum og Þorgerður Katrín aðhyllist þá stjórnvisku, að betra sé að veifa röngu tré en öngvu.