Óeirðir með miklu ofbeldi og eignaspjöllum hafa gengið yfir stærstu borgir Frakklands eftir að mótmæli vegna aðstæðna í skólum og hækkandi framfærslukostnaðar snerust upp í ofbeldi laugardaginn 17. október. Brynjar Níelsson, borgarfulltrúi Sjálfstæðisflokksins í Reykjavík og fyrrverandi alþingismaður, hefur birt færslu á Facebook þar sem hann gagnrýnir fjölmiðlaumfjöllun um atburðina og segir raunverulega ógn við vestrænt lýðræði stafa af sósíalistum og öfgafullum vinstrihópum á borð við Antifa.
Samkvæmt fréttum sem sagðar eru frá Reuters, BBC, CNN og fleiri miðlum tóku hundruð þúsunda þátt í mótmælunum, um 550 þúsund samkvæmt frönskum yfirvöldum og allt að 800 þúsund samkvæmt verkalýðsfélaginu CGT. Ofbeldi braust út á jaðri mótmælanna. Sögulegt ráðhús í Limoges var að miklu leyti eyðilagt í eldsvoða, verslanir voru rændar, opinberar byggingar skemmdar og víða kom til átaka við lögreglu. Tæplega 1.800 manns voru handteknir og hundruð lögreglumanna særðust. Frönsk stjórnvöld eru sögð kenna ofbeldinu um öfgafulla vinstrihópa og glæpamenn. Einnig er sagt að skemmdarverk hafi verið unnið á samkunduhúsi í París.
„Venjulegir ofstækisfullir vinstri menn“
Í færslu sinni segir Brynjar að flestir fjölmiðlar láti að því liggja að um sé að ræða námsmenn sem mótmæli slæmri aðstöðu í skólum og berjist fyrir mannréttindum. Hann fullyrðir hins vegar að þarna séu á ferð „venjulegir ofstækisfullir vinstri menn sem ætla frelsa alþýðu manna undan oki auðvaldsins“ og að því fylgi „tilheyrandi gyðingaandúð sem sósíalistar hafa aldrei getað hrist af sér, hvort sem þeir kalla sig þjóðernissósíalista eða sósíal demókrata“.
Aww, look at all these poor students who just want better conditions for their education so they can become valued members of French society
Yeah… right
Writer: Ian
https://t.co/zBIdjwhpvz
— Mario Nawfal (@MarioNawfal) October 18, 2026
Hann gagnrýnir vestræna fjölmiðla, háskóla og menningar- og listaelítuna fyrir að líta á hreyfingar á borð við Antifa og Intifada sem frelsishreyfingar sem berjist fyrir réttlæti og gegn fasisma, fremur en öfgafull öfl sem ógni lýðræðinu.
Á sama tíma séu þeir sem setja hagsmuni eigin þjóðar í forgang gjarnan kallaðir öfgahægrimenn og ógn við lýðræðið, þótt þeir séu hvorki sérstaklega hægrisinnaðir né ógn við lýðræðið.
„Og ekki hefur borið á að þeir gangi um í tugþúsunda tali með ofbeldi og eignaspjöllum og reyna að kalla það friðsöm mótmæli,“ skrifar Brynjar.
Segir sósíalista raunverulega ógn við lýðræðið
Brynjar segir mikilvægt að Vestur-Evrópubúar átti sig á því hvar raunverulegur fasismi og ógn við lýðræðið liggi. Í Austur-Evrópu séu menn betur meðvitaðir um slíkar hættur vegna reynslu ríkjanna af alræðisstjórnum á síðustu öld.
Hann leggur til að hætt verði að réttlæta gerðir þessara öfgahópa og að íþróttamenn verði ekki látnir „bugta sig og beygja fyrir þeim“ fyrir kappleiki.
Holy fucking shit.
Paris right now, this evening.
Police vehicles try to escape with destroyed tyres. https://t.co/hMBZkT2MRL
— Kosher (@koshercockney) October 17, 2026
Að hans mati stafar ógnin við vestrænt lýðræði og raunveruleg mannréttindi ekki af svokölluðum hægriöfgaflokkum í Evrópu eða Miðflokknum á Íslandi, heldur af sósíalistum.
Sveinn Andri sakar Brynjar um fáfræði
Í athugasemdum við færsluna átti Brynjar í hörðum orðaskiptum við Svein Andra Sveinsson lögmann.
Sveinn Andri sagði Intifada vera uppreisn kúgaðra Palestínumanna gegn ofbeldi ísraelskra stjórnvalda og að Antifa ætti rætur í baráttu gegn uppgangi nasista og rasista.
Brynjar svaraði því til að Antifa væri hópur öfgafullra vinstrimanna, mun öfgafyllri en þeir sem Sveinn Andri kallaði öfgahægrimenn, og lýsti Intifada sem hryðjuverkamönnum. Hann sagði jafnframt athyglisvert hversu sterk tengsl þessara hópa væru við vinstrimenn á Vesturlöndum.
Holy fucking shit.
Paris right now, this evening.
Police vehicles try to escape with destroyed tyres. https://t.co/hMBZkT2MRL
— Kosher (@koshercockney) October 17, 2026
Sveinn Andri lét ekki þar við sitja.
„Það er sorglegt hvað þú ert með eindæmum fáfróður,“ skrifaði hann og ítrekaði að Intifada væri heiti yfir uppreisn almennings í Palestínu gegn ísraelskum stjórnvöldum. Hann vísaði til fyrri uppreisnarinnar árið 1987 og þeirrar síðari árið 2000.
Þá hélt hann því fram að Antifa væru þverpólitísk samtök sem hefðu ekkert með vinstristefnu að gera, nema í augum fasista.
Brynjar svaraði að það væri gott að Sveinn Andri tryði þessu „eins og hinir sem þjáðst af gýðingaandúð“.
Brynjar gagnrýnir þátttöku Rósu Bjarkar í mótmælunum
Í orðaskiptum við Þórberg Torfason beindi Brynjar einnig spjótum sínum að Rósu Björk Brynjólfsdóttur, formanni Vinstri grænna og fyrrverandi þingmanni Samfylkingarinnar, sem tók þátt í mótmælunum í Frakklandi.
Rósa Björk gekk með mótmælendum í Frakklandi og gagnrýnir framgöngu lögreglu
Þórbergur hafði spurt Brynjar hvers vegna það teldist öfgafullt að vera félagshyggjusinnaður. Brynjar hafnaði því að hafa haldið slíku fram en notaði tækifærið til að gagnrýna afstöðu Rósu Bjarkar til mótmælanna.
„Kemur ekki á óvart að formaður Vg og fyrrum Samfylkingarkona skyldi taka þátt í mótmælunum,“ skrifaði Brynjar.
Hann gagnrýndi sérstaklega að Rósa Björk hefði, að hans sögn, lýst mótmælunum sem friðsömum og kennt fámennum hópi um ofbeldið og eignaspjöllin. Þá sagði hann hana hafa lagt meginábyrgðina á lögregluna og sakað hana um óþarfa harðræði.
„Lögreglan var sem fyrr mesti sökudólgurinn og beitti miklu harðræði að óþörfu,“ skrifaði Brynjar þegar hann lýsti afstöðu hennar.
Brynjar taldi þetta lýsandi fyrir viðhorf vinstrimanna til óeirðanna. Þeir gerðu að hans mati lítið úr ofbeldinu og réttlættu háttsemi mótmælenda þrátt fyrir að umfangsmikil eignaspjöll og átök við lögreglu blöstu við.
„Svona lítið þið vinstri menn á ástandið þótt annað blasi við,“ skrifaði hann og sakaði vinstrimenn um að réttlæta öfgafulla háttsemi vegna andstöðu við vestrænt lýðræði og einstaklingsfrelsi.
Brynjar lauk svarinu með því að hafna þeirri hugmynd að vinstrimenn hefðu sérstaka félagslega sýn.
„Þið eruð ekkert félagslega þenkjandi heldur bara venjulegir sósíalistar.“
