Mikael Neville Anderson leikmaður Djurgården og íslenska landsliðsins í fótbolta er orðaður við brottför frá sænska félaginu í sænskum fjölmiðlum.
Mikael var seldur frá AGF til Djurgården sumarið 2025 og er samningsbundinn sænska félaginu til 2029, en þrátt fyrir það gæti hann verið á förum frá félaginu,.
Sænski fjölmiðilinn Expressen greinir frá því að Mikael Anderson og Djurgården eigi í viðræðum um möguleg félagaskipti hans í sumar.
Samkvæmt Expressen hafa nokkur félög sýnt honum áhuga, en ekki kemur fram um hvaða félög er að ræða og hvort viðræðurnar muni leiða til þess að Anderson muni yfirgefa Djurgården í sumar.
Mikael á að baki langan feril í Danmörku þar sem hann hefur leikið fyrir bæði Midtjylland, AGF og Vendsyssel, en hann lék auk þess fyrir hollenska félagið Excelsior á láni.
Hann á að baki 39 landsleiki og hefur skorað í þeim tvö mörk.
