Jarðskjálfti sem mældist 3,6 að stærð varð á Mosfellsheiði um klukkan hálf eitt og honum hafa fylgt nokkrir eftirskjálftar að sögn Jóhönnu Malenar Skúladóttur, náttúruvársérfræðings á Veðurstofu Íslands.
Þetta er stærsti skjálftinn sem mælst hefur þar um slóðir síðan í apríl 2021 þegar jafnstór skjálfti reið þar yfir. Jóhanna Malen segir svæðið mjög virkt, þótt óalgengt sé að skjálftar þar mælist yfir einum að stærð. Veðurstofu hafa borist tilkynningar um að jarðskjálftinn fannst í Mosfellsbæ.
Fréttin var uppfærð með upplýsingum um að jarðskjálftinn fannst í Mosfellsbæ.
