Inga Sæland, mennta- og barnamálaráðherra og formaður Flokks fólksins, segist munu standa með Hönnu Katrínu Friðriksson atvinnuvegaráðherra þegar frumvarp hennar um hvalveiðar kemur til kasta Alþingis.

„Ég mun standa með atvinnuvegaráðherra fram í rauðan dauðann í öllum þeim málum sem við höfum ákveðið að leggja hér fyrir þingið,“ sagði Inga í óundirbúnum fyrirspurnum á Alþingi í dag. 

Hanna Katrín hyggst í febrúar leggja fram frumvarp um breytingar á lögum um hvalveiðar og hefur staðfest að í því verði ákvæði um bann við veiðunum.

Inga hefur áður stutt lagasetningu um bann við hvalveiðum. Hún var sjálf meðal flutningsmanna frumvarps þess efnis sem lagt var fram á Alþingi haustið 2024. Með henni stóðu meðal annars þingmenn Samfylkingarinnar og Viðreisnar, sem nú sitja með Flokki fólksins í ríkisstjórn.

Frumvarpið hafði ekki orðið að lögum þegar Bjarni Benediktsson, þá starfandi matvælaráðherra, gaf …