Sir Bryn Terfel, sem er álitinn besti bass-baritón heims, kemur til Reykjavíkur þann 10. oktober næstkomandi og heldur tónleika í Hörpu. Velska óperustjarnan á ótrúlegan feril að baki á alþjóðlegum vettvangi, þar sem hann hefur sungið reglulega í virtustu tónlistar- og óperuhöllum heims þar sem hann hefur verið hylltur fyrir öfluga söngrödd sína og segulmagnaða sviðsframkomu eins og segir í tilkynningu.Í gegnum magnaðan feril hefur hann sungið aðalhlutverk í óperum eins og Falstaff í Óperuhöllinni í Sydney; Tosca í Konunglegu óperuhöllinni í London, The Metropolitan óperunni í New York og Bæversku óperunni í Munchen; Rakaranum frá Sevilla í Óperuhöllinni í Vín; og Niflungahringnum bæði í Konunglegu óperuhöllinni og The Metropolitan óperunni.Hann syngur fjölda annarra hlutverka meðal annars í Meistarasöngvararnir í Nurnberg, Faust, Brúðkaup Figaro, Cosi fan Tutte, Don Giovanni, Salome, Gianni Schicchi, The Rake’s Progress, Tannhäuser, Peter Grimes, Les Contes d’Hoffmann, L’elisir d‘amore, Fiðlaranum á þakinu, Sweeney Todd og Boris Godunov.Bryn syngur á tónleikum um allan heim og mun koma fram í Óperuhöllinni í Sydney eftir tónleikana í Hörpu.Tónleikarnir í Hörpu eru sjaldgæft tækifæri til að hlusta á Bryn í návígi á sviðinu þar sem hann flytur lög af nokkrum verðlaunuðum sólóplötum sem standa nærri hjarta hans. Frá velskum þjóðlögum, sem enduróma frá heimahögum hans, til frægra laga úr söngleikjum, lieder og óperum, mun ótrúleg rödd hans og persónuleiki fylla Eldborgarsalinn og skína skært.Með Bryn á sviðinu verður píanóleikarinn þekkti Annabel Thwaite, og hörpuleikarinn Hannah Stone, sem er eiginkona hans og samstarfsaðili til fjölda ára. Hún var meðal annars persónulegur hörpuleikari Karls Bretakonungs í fjögur ár. Saman munu þau flytja fagra tónlist, flutta af hreinskilni og sál.
Hinn goðsagnakenndi óperusöngvari Sir Bryn Terfel kemur til Íslands - DV
