Athygli vakti á leiðtogafundi NATO í Ankara í Tyrklandi í dag að þegar myndatöku leiðtoganna var að ljúka og Trump var að ganga í burtu snéri hann sér hratt við þegar hann sá forsætisráðherra Íslands, Kristrúnu Frostadóttur, og heilsaði henni með handabandi. Hann virtist ekki heilsa öðrum þjóðarleiðtogum við þetta tækifæri.
Björn Malmquist fréttamaður spurði Kristrúnu út í handabandið. Hún sagði að þau ættu ágætis samband. „Ég hef auðvitað hitt hann núna nokkrum sinnum og hann er mjög meðvitaður um stöðu Íslands. Hann þekkir til okkar. Ég ræddi líka í talsverðan tíma við Marco Rubio sem að hefur líka mjög mikinn áhuga á okkar samskiptum. Þannig að það er jákvætt og hlýtt á milli okkar, já,“ sagði forsætisráðherra í Ankara í dag.
