Friðarsúla Yoko Ono var tendruð í tuttugasta sinn í Viðey í gærkvöld og var friðsæl athöfn haldin í Viðey af því tilefni. Tónlistarkonan Árný Margrét flutti tónlist við Friðarsúluna og Hildur Björnsdóttir borgarstjóri flutti ávarp. Friðarsúlan var svo tendruð klukkan 20:00 við lagið Imagine eftir John Lennon og Yoko Ono.
Í fréttatilkynningu frá Reykjavíkurborg segir að Friðarsúlan hafi verið reist í Viðey árið 2007. Ono skapaði Friðarsúluna til að halda á lofti friðarboðskap sem hún og Lennon töluðu fyrir og hún tileinkaði honum verkið.
Kveikt verður á Friðarsúlunni frá fæðingardegi Lennons 9. október og til 1. janúar 2027.
