Fyrrverandi framkvæmdarstjóri Vélfags varar Akureyringa við Viðreisn
Þorgerður Katrín Gunnarsdóttir og Viðreisn fá harða gagnrýni frá Alfreð Tulinius, fyrrverandi framkvæmdarstjóra Vélfags ehf., í nýjum Facebook-pistli þar sem hann hvetur Akureyringa til að „láta ekki blekkjast“ fyrir komandi sveitarstjórnarkosningar.
Í færslunni segir Alfreð að stefnuyfirlýsing Viðreisnar á Akureyri fari illa saman við raunveruleikann. Hann vísar þar til þess að flokkurinn tali fyrir sterkari framtíð barna og ungmenna, öflugu samfélagi og nýsköpun í atvinnulífi, á sama tíma og stjórnvöld undir forystu formanns flokksins hafi samkvæmt honum lagt Vélfag í „einelti“.
Auglýsing„Á einu ári tókst Viðreisn að eyðileggja 35 manna hátæknifyrirtæki á Akureyri,“ skrifar Alfreð og segir að stjórnvöld hafi ekki gætt meðalhófs í stjórnsýslu gagnvart fyrirtækinu.
Segir Vélfag hafa verið lykilfyrirtæki á Akureyri
Alfreð rekur í pistlinum ýmis verkefni og samfélagsþátttöku Vélfags áður en starfsemin lagðist af. Hann segir fyrirtækið hafa verið virkan þátttakanda í uppbyggingu atvinnulífs og nýsköpunar á Akureyri, auk þess að styðja við íþróttastarf og samstarf við skólasamfélagið á Norðurlandi.
Hann nefnir sérstaklega samstarf við Verkmenntaskólinn á Akureyri og Háskólinn á Akureyri, auk stuðnings við Drift EA frumkvæðisverkefnið.
„Allt þetta var eyðilagt undir forystu og stjórn formanns Viðreisnar,“ skrifar hann meðal annars í hástöfum í lok færslunnar.
Hvetur Akureyringa til að hafna Viðreisn
Í niðurlagi pistilsins segir Alfreð að hann voni innilega að kjósendur á Akureyri sjái í gegnum það sem hann kallar hræsni Viðreisnar gagnvart bæjarbúum.
Sveitarstjórnarkosningar fara fram eftir rúma viku og hafa umræður um atvinnulíf, nýsköpun og afskipti stjórnvalda af fyrirtækjum verið áberandi í aðdraganda kosninganna, meðal annars í tengslum við umræðu um Vélfag-málið.
Auglýsinglæk
Auglýsing
