Fylltu Egilshöllina á for­sýningu Hvar er draumurinn? - Vísir

Höfundur, leikstjóri og framleiðandi kvikmyndarinnar er Höskuldur Þór Jónsson og er hún frumraun hans á hvíta tjaldinu. Hann hefur áður starfað sem leikari og dansari og leikstýrði söngleiknum Með allt á hreinu sem var sýndur fyrir fullu húsi í Háskólabíói í sumar.

Verkefnið er drifið áfram af ungu og upprennandi listafólki og á meðal leikara eru Mikael Kaaber, Sigríður Ragnarsdóttir, Berglind Alda Ástþórsdóttir, Mímir Bjarki Pálmason, Kolbeinn Sveinsson, Ingi Þór Þórhallsson, Hrafnhildur Ingadóttir, Salka Sól Eyfeld, Stefán Hilmarsson og Guðmundur Jónsson.

Hvar er draumurinn? gerist í Reykjavík snemma á tíunda áratugnum og segir frá Bjarti, rótlausum ungum manni sem á lítið nema vinahóp sinn og skemmtistaðinn Sódóma. Þegar staðurinn stendur frammi fyrir lokun ákveða vinirnir að gera allt sem þeir geta til að bjarga honum. Á sama tíma bankar ástin upp á úr óvæntri átt þegar Bjartur kynnist Hófí, ungri stúlku sem lifir í allt öðrum veruleika.

Ljósmyndararnir Stefanía Elín Linnet og Brynja Eldon fönguðu stemminguna: