Frakkar lýsa helvíti á jörðu: „Sólin sýnir enga miskunn“
Í stingandi hitanum halda íbúar í Rennes sig helst heima fyrir, með gluggana lokaða og leyfa sér einstaka sinnum að kveikja á viftunni - því rafmagnið kostar sitt. Til að takmarka hitann í íbúðum sínum borða þeir kaldan mat og drekka svalandi drykki. Þegar þeir fara út leita þeir skjóls í skugga blokkanna eða niður við á.
Gluggahlerarnir eru lokaðir á jarðhæðinni þar sem 49 ára gömul ræstingarkona býr í frönsku borginni Rennes. Þegar hitinn náði 40°C sagðist hún ekki ætla út fyrir hússins dyr. „Þetta er erfitt en ég held mig heima,“ sagði Ancuta Lacatus við AFP. „Læknirinn minn ráðlagði mér að fara ekki út. Það er hættulegt fyrir mig,“ sagði hún, sem glímir við veikt hjarta.
En í hitabylgjunni sem herjar á Evrópu er ekki nóg að halda sig heima yfir daginn. „Jafnvel á nóttunni er mjög heitt,“ hélt hún áfram.
Í vikunni hefur hvert hitametið á fætur öðru fallið í Frakklandi. Hitabylgjan hefur ekki aðeins reynst banvæn heldur hefur hún einnig valdið truflunum á daglegu lífi íbúa. Skólum hefur verið lokað, samgöngutruflanir hafa verið miklar og ríkisstjórnin telur að eitt af hverjum þremur heimilum þar í landi sé ekki í stakk búið til þess að þola mikinn hita.
Endurbætur til að bæta einangrun á …
